شارا اسەرلى كورسەتىلىمنەن باستالىپ، كەيىن جاپونيانىڭ مەملەكەتتىك گيمى جاندى داۋىستا ورىندالىپ، مەملەكەت تۋى كوتەرىلدى.
ارى قاراي شارانى سپورتشىلار شەرۋى جالعاستىردى. قازاقستان قۇراماسىنىڭ كوك بايراعىن دزيۋدودان وليمپيادا چەمپيونى ەلدوس سمەتوۆ پەن ۇستەل تەننيسىنەن ۇلتتىق قۇراما مۇشەسى سارۆينوز ميركاديروۆا ۇستاپ شىقتى.
ايتا كەتەيىك، سالتاناتتى اشىلۋ شاراسى 30 مىڭ كورەرمەنگە ارنالعان Nagoya City Mizuho Park Athletic Stadium ستاديونىندا ءوتىپ جاتىر.
وسىعان دەيىن حابارلاعانىمىزداي، اشىلۋ سالتاناتى باعدارلاماسى ىقشامدىلىققا باعىتتالعان: ەموتسيونالدى اسەرگە باسا نازار اۋدارۋ ماقساتىندا قويىلىمدار، رەكۆيزيتتەر مەن ساحنالىق قۇرىلىمدار مەيلىنشە قاراپايىم ءارى جيناقى ەتىپ جاسالۋدا. سپورتشىلار شەرۋىنە كەڭ ورىن ءبولىنىپ، نازاردىڭ ءارتۇرلى ەلدەر مەن ايماقتاردان كەلگەن قاتىسۋشىلارعا اۋدارىلۋى قامتاماسىز ەتىلەدى.
تۇپتەپ كەلگەندە، تومەن كومىرتەكتى تۇراقتىلىق قاعيداتتارىن پاش ەتە وتىرىپ، سالتاناتتى شارانىڭ ءاربىر بولشەگىندە ۇنەمشىلدىك پەن قورشاعان ورتاعا دەگەن جاۋاپكەرشىلىك كورىنىس تابادى.
ەسكە سالايىق، جازعى ازيا ويىندارى 2026-جىلدىڭ 19-قىركۇيەك پەن 4-قازان ارالىعىندا جاپونيانىڭ ايچي پرەفەكتۋراسى مەن ناگويا قالاسىندا وتەدى، ويىنداردىڭ ۇرانى - Imagine One Asia («ءبىرتۇتاس ازيانى ەلەستەت»).
بايراقتى باسەكەدە قازاقستان ۇلتتىق قۇراماسىنىڭ ساپىنان 558 سپورتشى باق سىنايدى.