جايىق وزەنىنىڭ سۋى ماحامبەت اۋدانىندا 7,5 مەترگە جەتتى

اتىراۋ. KAZINFORM - اتىراۋ وبلىسىنىڭ ماحامبەت اۋدانىندا جايىق وزەنىنىڭ دەڭگەيى 7 مەتر 54 سانتيمەترگە جەتتى.

«قازگيدرومەت» ر م ك اتىراۋ وبلىستىق فيليالىنىڭ مالىمەتىنشە، كورشىلەس باتىس قازاقستان وبلىسىنىڭ اۋماعىنان اعىپ كەلگەن سۋ ەسەبىنەن جايىق وزەنىنىڭ دەڭگەيىنە وزگەرگەن.

«بۇگىن، 29-ساۋىردە ساعات 08:00-دە يندەربور كەنتىندەگى گيدروبەكەتتە جايىق وزەنىندەگى سۋ دەڭگەيى 23+ سانتيمەتر كوتەرىلىپ، 6 مەتر 68 سانتيمەتردى قۇرادى. سۋ تاسقىنى باستالعاننان بەرى مۇندا كوتەرىلۋ كورسەتكىشى 445 سانتيمەتر بولدى. ال، ماحامبەت اۋىلى تۇسىندا وزەن سۋى 11+ سانتيمەترگە ۇلعايىپ، 7 مەتر 54 سانتيمەترگە جەتتى. بۇل اۋىلدا كوتەرىلگەن سۋدىڭ جالپى كورسەتكىشى - 437 سانتيمەتر»، - دەپ حابارلادى وبلىستىق جەدەل شتاب.

سونداي-اق، جايىق وزەنىندەگى سۋدىڭ كوتەرىلگەنى اتىراۋ قالاسىندا دا بايقالىپ وتىر. بۇگىن مۇنايلى شاھارداعى گيدروبەكەتتە وزەن ارناسى 8+ سانتيمەتر كوتەرىلىپ، 4 مەتر 42 سانتيمەتر دەڭگەيىندە تۇر. سۋ تاسقىنى باستالعاننان بەرى سۋ دەڭگەيى 251 سانتيمەترگە كوتەرىلگەن.

ەسكە سالا كەتەلىك، بۇعان دەيىن اتىراۋدىڭ ماحامبەت اۋدانىندا جايىق وزەنىنىڭ دەڭگەيى 7 مەتردەن اسقانىن حابارلاعان ەدىك.

اۆتور
جولداسبەك شوپەعۇل