جايىق وزەنىندەگى سۋ دەڭگەيى تومەندەپ جاتىر

ورال. KAZINFORM – ب ق و- دا سۋ تاسقىنىنىڭ الدىن الۋ جانە اۆاريالىق-قۇتقارۋ جۇمىستارى ءالى دە جالعاسىپ جاتىر. قازىر جايىق وزەنىندەگى سۋ دەڭگەيى ءتۇسىپ كەلە جاتىر. كورسەتكىش - 8 مەتر 50 سانتيمەتر. ياعني سۋ قاۋىپتى دەڭگەيىنە دەيىن ءتۇستى.

وبلىستا حالىقتى ەۆاكۋاتسيالاۋ، قۇلاقتاندىرۋ، بوگەتتەردى نىعايتۋ جۇمىستارى جالعاسىپ جاتىر. سوڭعى تاۋلىكتە 12 ادام ەۆاكۋاتسيالاندى. سۋ تاسقىنى كەزەڭىندە جالپى وبلىس بويىنشا 14001 ادام ەۆاكۋاتسيالاندى. ونىڭ 5786 سى - بالا. 12 ەۆاكۋاتسيالىق پۋنكتە 2447 ادام ورنالاسقان. ب ق و ت ج د رەسمي وكىلى نۇرجان تولەۋىش و ك ق بريفينگىندە وسىلاي دەپ مالىمدەدى.

«جەرگىلىكتى ماسشتابتاعى 6 توتەنشە جاعداي جۇمىس ىستەپ جاتىر. جەدەل شتاب پەن كۇندەلىكتى مونيتورينگ پەن كەزەكشىلىك جۇرگىزىلىپ جاتىر. 1 ميلليون تەكشە مەتردەن استام قار سۋى سورىلدى. 1,3 ميلليون دانا قاپشىق توسەلدى. 26617 توننا ينەرتتى ماتەريال توسەلدى. بۇل جۇمىستارعا 3114 ادام، 993 تەحنيكا، 71 سۋ سورۋ قۇرالى، 170 ءجۇزۋ قۇرالى مەن 1 اۋە كەمەسى جۇمىلدىرىلدى»، - دەدى سپيكەر.

قوسىمشا كۇش-قۇرالداردىڭ جارتىسى اتىراۋ وڭىرىنە جىبەرىلدى. وبلىس بويىنشا جاعداي تۇراقتى جانە قاتاڭ باقىلاۋدا.