جاۋىن-شاشىن، كوكتايعاق: 21-ناۋرىزعا ارنالعان اۋا رايى بولجامى
10:30, 21 - ناۋرىز 2024
استانا. KAZINFORM - اتموسفەرالىق فرونتالدى بولىكتەردىڭ وتۋىنە بايلانىستى بۇگىن ەلىمىزدىڭ باسىم بولىگىندە اۋا رايى قۇبىلمالى بولادى.
قازگيدرومەت سينوپتيكتەرىنىڭ بولجامىنا سۇيەنسەك، رەسپۋبليكا بويىنشا جاۋىن- شاشىن بولادى. وڭتۇستىكتە، وڭتۇستىك- شىعىستا، تۇندە وڭتۇستىك- باتىستا نوسەر جاڭبىر، ەلىمىزدىڭ وڭتۇستىك- شىعىسىنداعى تاۋلى ايماقتاردا جاڭبىر، قار جاۋادى.
رەسپۋبليكانىڭ وڭتۇستىگىندەگى تاۋلى ايماقتاردا جاڭبىر جاۋادى. تەك رەسپۋبليكانىڭ باتىسىندا، سولتۇستىك- باتىسىندا جانە سولتۇستىگىندە اتموسفەرالىق قىسىمنىڭ جوعارىلاۋى اسەرىنەن اۋا رايى جاۋىن- شاشىنسىز بولادى.
رەسپۋبليكا بويىنشا تۇمان ءتۇسىپ، جەل كۇشەيەدى. شىعىستا جانە ورتالىقتا كوكتايعاق بولادى. ەلدىڭ وڭتۇستىگى مەن وڭتۇستىك- شىعىسىندا نايزاعاي وينايدى.