جايلى قونىس تاڭداۋعا كومەكتەسەتىن تەحنولوگيا

استانا. قازاقپارات - زامان وزىپ، تەحنولوگيا دامىعان سايىن، IT ماماندارى ويلاپ تاپقان قۇرىلعىلاردىڭ قولدانىلمايتىن سالاسى كەمدە-كەم. سونىڭ ءبىرى جىلجىمايتىن مۇلىك، تۇرعىن ءۇي سالاسىنداعى تەحنولوگيا جەتىستىگى.

ماسەلەن، لوندوندىقتار قازىردە باسپانا ساتىپ الۋ ءۇشىن، ارنايى قۇرىلعى كومەگىنە جۇگىنەدى. شۆەدتىڭ توبي كومپانياسى جاقىندا عانا تۇرعىن ءۇي ساتىپ الۋ كەزىندە ءۇيدى جىلدام تاڭداۋعا كومەكتەسەتىن قۇرىلعى جاساپ شىعاردى. ونىڭ كومەگىمەن، ساتىلىمداعى ءۇيدىڭ ءار بۇرىشىن مۇقيات تەكسەرۋگە بولادى. قاي جەردە قانداي كەمشىلىك بار، سونىڭ ءبارىن انىق كورسەتەدى.

دجون ۋورد، TOBII كومپانياسىنىڭ وكىلى:

- كوزىلدىرىك لينزالارىندا ءتورت كامەرا جانە بىرنەشە جارىقتاندىرعىش بار. سىرتتان قاراعان ادام، قاراپايىم مىسىقتىڭ كوزىنە ۇقساتۋى مۇمكىن. كامەرانىڭ جادىنا كۇردەلى ماتەماتيكالىق فۋنكتسيالار ەنگىزىلگەن. اۆتوماتتى تۇردە ەسەپتەۋلەر ارقىلى، كۇماندى تۇستاردى قىزىل ءتۇس ءتۇسىرۋ ارقىلى كورسەتەدى.

كومپانيا جۇرگىزگەن ساۋالناما بويىنشا، ءۇي ساتىپ الۋ كەزىندە، تۇتىنۋشىلاردىڭ 38 پايىزى ءۇيدىڭ سالىنعان جىلىنا، 54 پايىزى جوندەۋ جۇمىسى مەن جيھازدارعا ءمان بەرەتىنى انىقتالدى. ال كوزگە اسا كورىنبەيتىن قانداي دا ءبىر اقاۋلىقتاردى قۇرىلعى قىزىل بەلگى بەرۋ ارقىلى كورسەتەدى.

ريچارد دوننەل، جىلجىمايتىن مۇلىك پورتالىنىڭ وكىلى:

- ءۇي الۋ، 3 جىلدا كولىك اۋىستىرۋمەن بىردەي ەمەس. كەز كەلگەن تۇتىنۋشى جايلى، جاقسى باسپانادا تۇرعىسى كەلەدى. بۇل رەتتە، قۇرىلعى ساتىپ الۋشىنىڭ وكىنبەي شەشىم قابىلداۋىنا كومەكتەسەدى. قۇرىلعى ازىرگە قولدانىسقا تولىق ەنگەن جوق. دەگەنمەن كومپانيا وكىلدەرى جايلى قونىس تاڭداۋ كەزىندە قاتەلىكتەرگە ۇرىنباس ءۇشىن تاپتىرماس قۇرال دەيدى.

24.kz