جايلى مەكتەپتەرگە قازاقستاندا جاسالعان ونىمدەردى ساتىپ الۋىمىز كەرەك - ولجاس بەكتەنوۆ

استانا. KAZINFORM - پرەمەر-مينيستر ولجاس بەكتەنوۆ «سامۇرىق- قازىنا» قورىنىڭ جايلى مەكتەپتەر قۇرىلىسىنىڭ كەشەۋىلدەۋىنە قاتىستى دايەكتەرىن قابىلدامادى.

«نۇرلان قارشىعا ۇلى («سامۇرىق-قازىنا» ا ق باسقارما ءتوراعاسى نۇرلان جاقىپوۆ)، ءسىز بايانداماڭىزدا جوبالىق-سمەتالىق قۇجاتتامانى بەكىتۋ جۇمىسى كەشىكتىرىلىپ جاتقانىن ايتتىڭىز. سەبەپتەرىن دە توقتالدىڭىز. ءبىراق ولار قابىلدانبايدى. جۇمىستى بارىنشا تەزدەتىپ، بارلىق جۇمىس مەرزىمىندە اياقتاۋ كەرەك. ەكىنشىدەن، كاسىپكەرلەر تاراپىنان «سامۇرىق-قازىنا كونستراكشن» كومپانياسىنىڭ جۇمىسىنا قاتىستى كوپتەگەن شاعىم ءتۇسىپ جاتىر. قۇرىلىس ماتەريالدارىن، تەحنولوگيالىق جابدىقتار مەن جيھازدار ساتىپ الۋ ىسىندە ءوزىمىزدىڭ وتاندىق وندىرۋشىلەردى قاتىسۋى بويىنشا شەكتەۋلەر بولىپ وتىر دەگەن اقپارات ماعان ءتۇسىپ جاتىر. بۇل پروبلەمانى شەشۋ ءۇشىن قانداي جۇمىس ىستەلىپ جاتىر؟»، - دەدى ولجاس بەكتەنوۆ بۇگىن ۇكىمەت وتىرىسىندا.

نۇرلان جاقىپوۆتىڭ ايتۋىنشا، جوبالىق-سمەتالىق قۇجاتتامانى ازىرلەۋ كەزىندە وتاندىق تاۋار وندىرۋشىلەردىڭ ونىمدەرىن بارىنشا پايدالانىلادى. مىسالى، الماتى وبلىسى قاراساي اۋدانى ەلتاي اۋىلىندا 1200 ورىندىق مەكتەپ سالۋ جوباسىندا جەرگىلىكتى قامتۋ دەڭگەيى - 60 پايىز. سونداي-اق تۇركىستان وبلىسى جاڭاقالا شاعىن اۋدانىندا 2000 ورىندىق مەكتەپ سالۋ جوباسىندا جەرگىلىكتى قامتۋ دەڭگەيى - 71 پايىز.

«ءبىز «اتامەكەن» ۇ ك پ جانە اكىمدىكتەرمەن ءتيىستى جۇمىستى جۇرگىزىپ جاتىرمىز. وڭىرلەردە ارنايى جيھاز كوميسسيالارى قۇرىلدى»، - دەدى ول.

سونىمەن قاتار نۇرلان جاقىپوۆ «اتامەكەن» تالاپتارعا سايكەس كەلەتىن وتاندىق وندىرۋشىلەردىڭ ءتىزىمىن قالىپتاستىرۋى كەرەكتىگىن اتاپ ءوتتى. ولاردى قولداۋ ءۇشىن قاجەتتى قۇرالدار ۇكىمەتتىڭ قاۋلى جوباسىن ىسكە اسىرۋ كەزىندە قولدانىلماق.

«وسىنداي كەمشىلىكتەرگە جول بەرىلمەۋى كەرەك. ۇلتتىق جوباعا تەك قازاقستاندا جاسالعان ونىمدەردى ساتىپ الۋىمىز كەرەك»، - دەدى اتاپ ءوتتى وسى ورايدى ولجاس بەكتەنوۆ.