- ەگەر پروموۋتەرىم Top Rank پەن بوب ارۋم جەكپە-جەكتى ۇيىمداستىرسا، نيۋ-يوركتە ونەر كورسەتكىم كەلەدى. سەبەبى ول جەردە قازاقستاننان كەلگەن جانكۇيەرلەرىم كوپ، - دەپ جازدى ءالىمحان ۇلى X الەۋمەتتىك جەلىسىندە.
باستاپقىدا WBO ەكىنشى ورتا سالماقتاعى الەم چەمپيونى حامزا شيرازعا تيتۋلىن قازاقستاندىق بوكسشىعا قارسى قورعاۋدى مىندەتتەگەن ەدى. پروموۋتەرلىك باسەكەدە Queensberry كومپانياسى 1001809 دوللار ۇسىنىپ، جەڭىمپاز اتاندى. جەكپە-جەكتى وتكىزۋگە لوندون، بيرمينگەم جانە نيۋ-يورك قالالارى قاراستىرىلعان بولاتىن. الايدا بريتاندىق بوكسشى بۇل كەزدەسۋدەن باس تارتىپ، چەمپيوندىق بەلبەۋىنەن ءوز ەركىمەن باس تارتتى.
وسى شەشىمنەن كەيىن دۇنيەجۇزىلىك بوكس ۇيىمى (WBO) ءالىمحان ۇلىن بوس قالعان WBO تيتۋلى ءۇشىن جەڭىلىپ كورمەگەن دانيالىق ياكوب بانكپەن (20-0, 11 ك و) جەكپە-جەككە قاتىسۋشى رەتىندە بەلگىلەدى.
تاراپتار 7-قازانعا دەيىن جەكپە-جەك وتكىزۋ جونىندە كەلىسۋى كەرەك. ەگەر كەلىسىمگە كەلە الماسا، WBO پروموۋتەرلىك ساۋدا وتكىزەدى.
بۇعان دەيىن جانىبەك ءالىمحان ۇلىنىڭ جەكپە-جەگىنە 10 مىڭ كورەرمەن جينالۋى مۇمكىن ەكەنىن حابارلانعان بولاتىن.