ونىڭ ايتۋىنشا، تاجىريبە دۇنيەجۇزىلىك مەتەورولوگيالىق ۇيىم وكىلدەرىمەن بىرلەسىپ جۇرگىزىلگەن. ەكسپەريمەنتتى قازاقستان تاراپىنان قازگيدرومەت باقىلاۋعا العان.
- بۇل ماسەلە تولىقتاي قازگيدرومەتتىڭ باقىلاۋىندا. ءبىزدىڭ تاراپىمىزدان تەك مەتەورولوگيالىق دەرەكتەرگە، سونىڭ ىشىندە بۇلتتاردىڭ ىلعالدىلىعىنا قاتىستى جۇمىستار قاراستىرىلادى، - دەدى ۆيتسە-مينيستر.
سونىمەن قاتار ول ەكولوگيالىق تۇرعىدان جاۋعان جاۋىن-شاشىنعا تولىق تالداۋ جۇرگىزىلەتىنىن اتاپ ءوتتى.
- جالپى، الەمدىك تاجىريبە كورسەتىپ وتىرعانداي، بۇل - ەكولوگيالىق تۇرعىدان تازا ءتاسىل. ول تەك سۋ ايدىندارىنداعى سۋ كولەمىن تولىقتىرۋعا مۇمكىندىك بەرەدى، - دەدى مانسۇر وشۋربايەۆ.
ايتا كەتەيىك، پرەزيدەنت قاسىم-جومارت توقايەۆ ب ۇ ۇ-نىڭ ارناۋلى مەكەمەسى سانالاتىن دۇنيەجۇزىلىك مەتەورولوگيا ۇيىمى كليمات، اۋا رايى، سۋ رەسۋرستارى جانە تابيعي اپاتتاردىڭ قاتەرىن ازايتۋ باعىتىنداعى جاھاندىق ىنتىماقتاستىقتى ىلگەرىلەتۋدە نەگىزگى ءرول اتقاراتىنىن ايتقان ەدى.