نيشيو. KAZINFORM - بوكستان جاپونيادا ءوتىپ جاتقان ⅩⅩ جازعى ازيا ويىندارى ءوز مارەسىنە جەتتى. قازاقستان بوكسشىلارى فينالدىق جەكپە-جەكتە ەكى التىن مەدال ەنشىلەپ، جاپوندىق جانكۇيەرلەردىڭ قوشامەتىنە يە بولدى.
اقتىق سايىستاردى تاماشالاعان جاپوندىق جانكۇيەر ياامادا Kazinform تىلشىسىنە شاعىن سۇحبات بەرىپ، قازاق بوكسىنىڭ دەڭگەيىن جوعارى باعالادى.
- فينالدىق جەكپە-جەكتەردى تولىق تاماشالاپ شىقتىم. قازاقستاندىقتاردى جارقىن جەڭىسىمەن قۇتتىقتايمىن. جالپى، قازاقستاننىڭ بوكس دەڭگەيى جوعارى، مىقتى سپورتشىلارىڭىز بار. بۇگىن تورەحان كەرەمەت ونەر كورسەتتى، - دەدى ول.
سونىمەن قاتار، ول گەننادي گولوۆكيننىڭ جانكۇيەرى ەكەنىن ايتتى.
- گەننادي گولوۆكيننىڭ جانكۇيەرىمىن. بۇگىن وسى جەردەن وعان كەزىگىپ، قول تاڭباسىن العانىما وتە قۋانىشتىمىن. بۇل مەن ءۇشىن زور مارتەبە، - دەدى ياامادا.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан