بۇل - باقىلاۋ جۇرگىزىلگەن بۇكىل كەزەڭدەگى ەڭ تومەنگى كورسەتكىش. مۇنداي دەرەكتى ەلدىڭ ىشكى ىستەر جانە كوممۋنيكاتسيالار مينيسترلىگى كەلتىردى.
15 جاسقا دەيىنگى بالالاردىڭ جالپى حالىق سانىنداعى ۇلەسى 10,8 پايىزعا دەيىن تومەندەدى - بۇل دا 1950 -جىلدان بەرگى ەڭ تومەنگى دەڭگەي. كورسەتكىشتىڭ تومەندەۋى قاتارىنان 45 جىل بويى جالعاسىپ كەلەدى. بالالار سانى ەڭ جوعارى دەڭگەيگە 1954 -جىلى جەتىپ، 29,89 ميلليون ادامدى قۇراعان.
تۋۋ كورسەتكىشىنىڭ تومەندەۋ ءۇردىسى جاس قۇرىلىمىنان دا بايقالادى: 12-14 جاس ارالىعىنداعى بالالار سانى 3,09 ميلليون بولسا، 2 جاسقا دەيىنگى سابيلەر نەبارى 2,13 ميلليون. 2025 -جىلى دۇنيەگە كەلگەندەر سانى تاعى ءبىر تاريحي مينيمۋمعا - 705809 ادامعا جەتىپ، بۇل كورسەتكىش ونىنشى جىل قاتارىنان ازايىپ وتىر.
جاپونيا ۇكىمەتى 2030 -جىلعا دەيىنگى كەزەڭدى «ءۇردىستى وزگەرتۋگە بەرىلگەن سوڭعى مۇمكىندىك» دەپ جاريالاپ، بالالى وتباسىلاردى قارجىلاي قولداۋدى كەڭەيتىپ كەلەدى. الايدا قابىلدانعان شارالارعا قاراماستان، بالالار سانىنىڭ ازايۋى توقتار ەمەس.
United Nations دەرەكتەرىنە سايكەس، حالقى 40 ميلليوننان اساتىن 38 ەلدىڭ ىشىندە جاپونيا بالالار ۇلەسى بويىنشا سوڭىنان ەكىنشى ورىندا تۇر. سوڭعى ورىندا - وڭتۇستىك كورەيا (,2).
ايتا كەتەيىك، بۇعان دەيىن قىتايلاردىڭ قارتايىپ بارا جاتقانىن جازدىق. الداعى 10 جىلدا 60 تان اسقاندار سانى قىتايدا 400 ميلليوننان اساتىنى بولجانىپ وتىر.