جاپونيادا عىلىمي جانە مەديسينالىق تاجىريبەلەردى تولىعىمەن روبوتتار جۇرگىزەتىن بىرەگەي زەرتحانا جۇمىسىن باستادى. نىسان توكيو عىلىم ينستيتۋتى بازاسىندا قۇرىلعان جانە الەمدەگى العاشقى وسىنداي ورتالىق سانالادى.
زەرتحانانىڭ «قىزمەتكەرلەرى» قاتارىندا 10 روبوت بار. ولاردىڭ اراسىندا ادام بەينەسىندەگى Maholo لابدرويدى دا بار. ول ەكى قولمەن جابدىقتالعان جانە رەاگەنتتەردى ءدال مولشەرلەۋ، تەمپەراتۋرالىق باقىلاۋدى قاجەت ەتەتىن قۇرىلعىلارمەن جۇمىس ىستەۋ سەكىلدى كۇردەلى زەرتحانالىق وپەراتسيالاردى ورىنداي الادى.
روبوتتار جاسۋشالاردى ءوسىرۋ جۇمىستارىن دا اتقارادى. بۇل قولمەن ارالاسۋ قاجەتتىلىگىن ەداۋىر ازايتادى. بولاشاقتا جوبانى كەڭەيتۋ جوسپارلانىپ وتىر - 2040 -جىلعا قاراي روبوتتار سانى 2 مىڭعا دەيىن ارتۋى مۇمكىن.
جوبانى ازىرلەۋشىلەردىڭ ايتۋىنشا، روبوتتاندىرىلعان جۇيەلەردى ەنگىزۋ زەرتتەۋ ناتيجەلەرىنە ادام فاكتورىنىڭ اسەرىن ازايتىپ، زەرتحانالارداعى مامان تاپشىلىعى ماسەلەسىن شەشۋگە مۇمكىندىك بەرەدى.
ەسكە سالساق، روبوتوتەحنيكادان وتكەن الەم چەمپيوناتىندا قازاقستان قۇراماسى 12 ماراپاتقا يە بولدى.