- بۇل جەڭىس نەمەسە جەڭىلىس تۋرالى ەمەس. ەڭ باستىسى - جاپونيا فۋتبولىنىڭ جىلدار بويى قالىپتاستىرعان ادالدىعى مەن ادىلدىك قاعيداتتارىن الەمگە تانىتۋ، - دەدى ول توكيودا وتكەن قاۋىمداستىق باسقارماسىنىڭ وتىرىسىنان كەيىن.
بۇرىن جاپونيا فۋتبول قاۋىمداستىعىن باسقارعان 68 جاستاعى تاسيما ۇيىمنىڭ ءوزىن تولىق قولدايتىنىن اتاپ ءوتتى. ول بۇعان دەيىن FIFA كەڭەسىنىڭ مۇشەسى بولعان.
تاسيمانىڭ پرەزيدەنتتىككە ۇمىتكەر بولۋ نيەتى قازىرگى باسشى دجانني ينفانتينوعا سىن كۇشەيگەن تۇستا بەلگىلى بولدى. ا ق ش پرەزيدەنتى دونالد ترامپپەن جاقىن بايلانىسىمەن تانىمال ينفانتينو بيىلعى الەم چەمپيوناتىندا امەريكالىق فۋتبولشىعا قاتىستى شەتتەتۋ جازاسىن قولدانباۋ تۋرالى شەشىمى ءۇشىن سىنعا ۇشىرادى.
سونداي-اق ول الەم چەمپيوناتىن ۇيىمداستىرۋ جۇمىسىن باقىلايتىن جەكە قۇرىلىم قۇرۋدى ۇسىنعانى ءۇشىن قارسىلىققا تاپ بولدى. UEFA باستاعان ءبىرقاتار ۇيىمنىڭ نارازىلىعىنان كەيىن بۇل جوسپارىنان باس تارتتى.
ەسكە سالا كەتسەك، التى ەلدىڭ فۋتبول قاۋىمداستىعى FIFA باسشىسى ينفانتينوعا قارسى شىققان ەدى.
دەگەنمەن FIFA پرەزيدەنتى دجانني ينفانتينو قايتا سايلاۋعا تۇسەتىنىن مالىمدەدى.
ال ەۋروپانىڭ ءتورت ءىرى فۋتبول ليگاسى FIFA- نى رەفورمالاۋدى تالاپ ەتتى.