بۇعان يرانداعى سوعىس سالدارىنان قىمباتتاعان مۇناي، يەننىڭ السىرەۋى، قولايسىز اۋا رايى مەن جەر سىلكىنىسى اسەر ەتكەن. بۇل تۋرالى Euronews جازدى، دەپ حابارلايدى turkystan.kz.
جاپونيا ۇكىمەتىنىڭ 16-قاراشادا جاريالاعان الدىن الا مالىمەتىنە سايكەس، شىلدە- قىركۇيەك ارالىعىندا ەكونوميكالىق ءوسىم %0 بولعان. ال ەكىنشى توقساندا ەلدىڭ ج ءى ءو- ءسى %0,4 عا ارتقان ەدى.
جىلدىق مانگە شاققاندا ەكونوميكا %0,1 عا قىسقارعان. ساراپشىلار كەرىسىنشە %0,2 دىق ءوسىم بولادى دەپ كۇتكەن.
ەكونوميكانىڭ باياۋلاۋىنا اسەر ەتكەن باستى سەبەپتەردىڭ ءبىرى - قىمباتشىلىق. مۇنايدىڭ باسىم بولىگىن شەتەلدەن ساتىپ الاتىن جاپونيا يرانداعى سوعىس پەن ورمۋز بۇعازى ارقىلى جۇك تاسىمالىنىڭ بۇزىلۋىنان ايتارلىقتاي زارداپ شەككەن.
وعان ۇلتتىق ۆاليۋتا باعامىنىڭ السىرەۋى قوسىلدى. قازىر ءبىر دوللار شامامەن 160 يەن تۇرادى. ال بەس جىل بۇرىن بۇل كورسەتكىش 115 يەنگە دە جەتپەگەن. يەنانىڭ قۇنسىزدانۋى يمپورتتىق تاۋارلار مەن ەنەرگيا باعاسىن ودان ءارى ءوسىرىپ وتىر.
قىركۇيەكتە جاڭا پىسكەن ازىق-تۇلىكتى ەسەپتەمەگەندەگى ينفلياتسيا %2,1 عا جەتتى. بۇل جاپونيا بانكىنىڭ %2 دىق نىسانالى دەڭگەيىنەن جوعارى.
قىمباتشىلىق حالىقتىڭ تۇتىنۋىنا دا اسەر ەتكەن. ءۇشىنشى توقساندا جەكە تۇتىنۋ شىعىندارى %0,3 عا ازايدى. Bloomberg Economics ساراپشىسى تارو كيمۋرانىڭ پىكىرىنشە، بۇعان تايفۋندار مەن نوسەر جاۋىن دا ىقپال ەتكەن. قولايسىز اۋا رايىندا تۇرعىندار دۇكەندەر مەن ساۋدا ورىندارىنا سيرەك بارعان. ال شىلدەدە كيۋسيۋ ارالىندا بولعان جەر سىلكىنىسى ءبىرقاتار كاسىپورىننىڭ جۇمىسىن بۇزعان.
سوعان قاراماستان، بيزنەس ينۆەستيتسيالارى %1,6 عا ءوستى. بۇعان سيفرلىق تەحنولوگيالارعا سۇرانىستىڭ ارتۋى سەبەپ بولعان.
ساراپشىلار ەكونوميكانىڭ توقىراۋى جاپونيا بانكىن جەلتوقساندا پايىزدىق مولشەرلەمەنى تاعى كوتەرۋ جوسپارىنان باس تارتقىزبايدى دەپ ەسەپتەيدى. ويتكەنى ينفلياتسيالىق قىسىم ءالى دە جوعارى.
Capital Economics ساراپشىسى مارسەل ءتيليانتتىڭ پىكىرىنشە، الداعى ۋاقىتتا ينفلياتسيانىڭ كۇشەيۋى ورتالىق بانكتى اقشا-كرەديت ساياساتىن كۇتكەننەن دە قاتاڭ جۇرگىزۋگە ءماجبۇر ەتۋى مۇمكىن.
ال پرەمەر- مينيستر ساناە تاكايتي ۇكىمەتى حالىقتىڭ شىعىنىن جەڭىلدەتۋ ءۇشىن ازىق-تۇلىككە سالىناتىن سالىقتى تومەندەتۋدى كوزدەپ وتىر. الايدا مەملەكەتتىك قارىزدىڭ كوپتىگى مەن بيۋدجەت شىعىندارىن وتەۋ ماسەلەسى بۇل باستامانىڭ جۇزەگە اسۋىن قيىنداتۋى مۇمكىن.
جاپونيا ەكونوميكاسىنىڭ بولاشاعىنا قاتىستى تاعى ءبىر بولجام نازار اۋدارتادى. حالىقارالىق ۆاليۋتا قورىنىڭ ەسەپتەۋىنشە، ەل 2026-جىلى الەمدەگى ءتورتىنشى ءىرى ەكونوميكا ورنىن ساقتاعانىمەن، 2027-جىلى التىنشى ورىنعا ءتۇسۋى مۇمكىن. ونى ءۇندىستان مەن ۇلى بريتانيا باسىپ وزادى دەگەن بولجام بار.