Kyodo اگەنتتىگىنىڭ مالىمەتى بويىنشا، وسى ماقساتتا شامامەن 95 ميلليون دوللار (شامامەن 41,9 ميلليارد تەڭگە) جوسپارلانعان. قارجىلاندىرۋ كولەمى كەيىنىرەك ۇلعايۋى مۇمكىن.
قازىرگى ۋاقىتتا جاپونيادا 19 مۇناي وڭدەۋ زاۋىتى بار. ولاردىڭ كوپشىلىگى نەگىزىنەن تاياۋ شىعىس مۇنايىن وڭدەۋگە ارنالعان. بۇل ەلدەردەن كەلەتىن مۇناي جاپونيا يمپورتىنىڭ شامامەن 90 پايىزىن قۇرايتىن.
باسقا ايماقتاردان مۇناي الۋ ءۇشىن جابدىقتاردى جاڭعىرتۋ قاجەت، سەبەبى شيكى مۇنايدىڭ قۇرامىنداعى كۇكىرت مولشەرى ءارتۇرلى بولادى.
ورمۋز بۇعازى جابىلعاننان كەيىن جاپون ەنەرگەتيكالىق كومپانيالارى باسقا ايماقتاردان، سونىڭ ىشىندە سولتۇستىك امەريكا مەن وڭتۇستىك سۋداننان مۇناي تاسىمالداۋعا نازار اۋدارا باستادى. سونىڭ ناتيجەسىندە جاپونيانىڭ مۇناي يمپورتىنداعى تاياۋ شىعىستىڭ ۇلەسى شامامەن 62 پايىزعا دەيىن تومەندەدى.
ەسكە سالا كەتەيىك، وسى اپتادا ساۋد ارابياسى «شىعىس - باتىس» مۇناي قۇبىرىنىڭ جۇمىسىن قايتا باستادى.