جاپونيانىڭ نەگىزگى مەتەورولوگيالىق سپۋتنيگى ىستەن شىقتى

توكيو. KAZINFORM - جاپونيانىڭ حيماۆاري-9 مەتەورولوگيالىق سپۋتنيگى ينفراقىزىل سۋرەتتەردى جىبەرۋدى توقتاتتى. بۇل تۋرالى ەلدىڭ ۇلتتىق مەتەورولوگيالىق دەپارتامەنتى حابارلادى.

ماسەلە جەر بەتىن ينفراقىزىل ساۋلەلەر ارقىلى باقىلاۋعا بايلانىستى سۋرەتتەردى جىبەرۋ كەزىندە ورىن العانى اتاپ ءوتىلدى.

- زاقىمدانعانىنا قاراماستان، حيماۆاري-9 سپۋتنيگىنىڭ باسقا ماڭىزدى فۋنكسيالارى جۇمىس ىستەپ تۇر. سپۋتنيك تايفۋن، قاتتى جاڭبىر جانە جەل سياقتى تابيعي اپاتتار تۋرالى ەسكەرتۋگە قاجەتتى اقپاراتتى بەرۋدى جالعاستىرۋدا، - دەلىنگەن حابارلامادا.

ەلدىڭ مەتەورولوگيالىق باسقارماسى اقاۋدىڭ سەبەبىن بىلمەيتىنىن جانە ونىڭ قاشان جوندەلەتىنىن ايتا المايتىنىن جەتكىزدى.

قوسا كەتەيىك، Starlink ينتەرنەت سپۋتنيكتەرىنىڭ 200- پارتياسى وربيتاعا شىقتى.

اۆتور
جاراسقان نۇرىبايەۆ