كۇنشىعىس ەلى جاپونيا ەۋروپالىق ءبىر ەلمەن شىنىمەن سوعىسقان با؟
شىنىندا، سولاي دەسەك بولادى. 1904-جىلى ورىس-جاپون سوعىسىندا رەسەي يمپەرياسىن قولداعان چەرنوگوريا كنيازدىگى جاپونياعا قارسى سوعىس جاريالادى. چەرنوگوريا ايتارلىقتاي كومەك كورسەتە الماسا دا، چەرنوگورلىق ەرىكتىلەردىڭ ازعانتاي وتريادى ورىس اسكەرلەرىنە قوسىلىپ، سوعىسقا قاتىستى. 1905-جىلى پورتسمۋنت بەيبىت كەلىسىمىندە چەرنوگوريانىڭ جايى ۇمىت قالىپ، چەرنوگوريا تاۋەلسىزدىك العانعا دەيىن بۇل ماسەلە اشىق كۇيىندە قالىپ قويعان بولاتىن. جاپونيا 2006-جىلى عانا سەربيادان تاۋەلسىزدىك العان چەرنوگوريانىڭ تاۋەلسىزدىگىن تاني وتىرىپ، 102 جىلعا سوزىلعان سوعىس جاعدايىنىڭ توقتاتىلعانى تۋرالى مالىمدەدى. ەڭ قىزىعى، تاۋەلسىز چەرنوگوريانىڭ قۇراماسى ەڭ العاشقى حالىقارالىق ماتچىن جاپونيالىقتارمەن وتكىزگەن ەكەن.