استانا. قازاقپارات - 14 جاسار جاپوندىق قىز وليمپيادا ويىندارىندا سكەيتبوردتان التىن مەدال الدى. سكەيتبوردشىلار باعدارلاماسىندا جۇلدەلى پوديۋمنىڭ بارلىعىن كامەلەتكە تولماعان سپورتشىلار يەلەندى. مۇندا 14 جاستاعى كوكو ەسيدزاۆا چەمپيون اتاندى.
ح و ك-تىڭ رەسمي سايتىنىڭ اقپاراتى بويىنشا، جاس جاپوندىق قىز «ستريت» بويىنشا جەڭىسكە جەتتى. ول 272,75 ۇپاي جيناعان. وليمپيادا ويىندارىنىڭ كۇمىس جۇلدەگەرى كوكونىڭ وتانداسى - 15 جاستاعى ليز اكاما (265,95) بولدى. ول 15 جاستا.
ءۇشىنشى ورىنعا 16 جاستاعى برازيليالىق سكەيتبوردشى رايسسا ليل (253,37) كوتەرىلدى. ەسيدزاۆانىڭ جەتىستىگى جاپونيا قۇراماسىنا جالپىكوماندالىق مەدال ەسەبىندە ءبىرىنشى ورىنعا شىعۋعا مۇمكىندىك بەردى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан