جاپونيادا كۇيزەلىستەن ارىلۋ ءۇشىن تابىتقا جاتۋ ترەندكە اينالىپ كەلەدى
09:46, 16 - قاراشا 2024
استانا. قازاقپارات - جاپوندىقتار سترەسستى جەڭىلدەتۋدىڭ ەرەكشە ءتاسىلىن ۇسىندى. 120 جىلدىق تاريحى بار جەرلەۋ بيۋروسى قىزىقتى قىزمەت كورسەتەدى: اقشاسىن تولەپ، تابىتقا جاتىپ، ويلانۋعا بولادى.
بۇل قىزمەتتى كۇيزەلىپ جۇرگەندەر پايدالانادى ەكەن. ولار وزىنە ۇنايتىن تابىتتى تاڭداپ، ىشىنە جاتادى جانە «ءومىر مەن ءولىم تۋرالى» ويلانادى.
تابىتتان شىعۋ قايتا تۋۋدى نەمەسە ءومىردى جاڭادان باستاۋدى بەينەلەۋى مۇمكىن. كليەنتتەر بىزدەن كەتكەن سوڭ، ءبارىن قايتا باستاۋعا دايىن ەكەندەرىن سەزىنەدى، - دەيدى اگەنتتىك باسشىسى.
بۇل ەرەكشە تاجىريبە كوپتەگەن جاپوندىقتارعا رۋحاني دەمالىپ، جاڭا ومىرگە قادام جاساۋعا ىقپال ەتىپ وتىر.