توكيو. KAZINFORM - جاپونيانىڭ ورتالىعىندا بولعان جويقىن جەر سىلكىنىسىنەن ەكى اپتا وتكەن سوڭ قازا تاپقاندار سانى كەم دەگەندە 221 ادامدى قۇرادى، تاعى 22 ادام ءىز- ءتۇزسىز جوعالدى، دەپ جازدى NHK World-Japan.
رەسمي وكىلدەردىڭ حابارلاۋىنشا، جولداردىڭ قيراۋى سالدارىنان 500 گە جۋىق ادام سىرتقى الەممەن بايلانىسسىز قالعان.
قازا بولعانداردىڭ ىشىندە 13 ادام ۋاقىتشا باسپانادا دەنساۋلىعىنىڭ ناشارلاۋىنان قايتىس بولدى دەپ شامالانىپ وتىر.
جەكسەنبىدەگى جاعداي بويىنشا جۇزدەگەن ەۆاكۋاتسيالىق ورتالىق ەلەكتر قۋاتى مەن سۋسىز قالدى، ولاردا سول كەزدە 20 مىڭعا جۋىق ادام بولعان.
بۇعان دەيىن حابارلانعانداي، بيلىك جەر سىلكىنىسىنەن ۇيلەرى قيراعاندار ءۇشىن ۋاقىتشا باسپانا سالۋعا كىرىستى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.