جاپونيادا جەر سىلكىنىسىنەن كەيىن بەس كيت جاعاعا شىعىپ قالدى

استانا. KAZINFORM - جاپونيانىڭ تاتەياما قالاسىندا بەس كيت تەڭىز جاعالاۋىنا شىعىپ قالدى، دەپ حابارلايدى Euronews.

جاپوندىق ب ا ق-تىڭ جازۋىنشا، جەرگىلىكتى تۇرعىندار ءتىرى قالعان جانۋارلارعا سۋ شاشىپ، ولاردى قۇتقارۋعا تىرىسقان.

مامانداردىڭ تۇسىندىرۋىنشە، اشىق تەڭىزدەگى تسۋناميدەن كيتتەرگە ءقاۋىپ تونبەيدى. الايدا تولقىندار جاعالاۋعا جاقىنداعان كەزدە سۋ كۇرت شەگىنىپ، تاياز سۋدا ءومىر سۇرەتىن كيتتەردى ۋاقىتشا جاعاعا شىعارىپ تاستاۋى مۇمكىن.

Euronews مالىمەتىنشە، كيتتەردىڭ جاعاعا شىعۋى كامچاتكا ماڭىنداعى جەر سىلكىنىسىنىڭ تىكەلەي سالدارى ەكەنى ازىرگە ناقتى انىقتالماعان. بۇل اۋداندا كۇشتى تسۋنامي بولماعان. كەيبىر دەرەككوزدەر كيتتەردىڭ جاعالاۋعا شىعۋىن بۇعان دەيىنگى تايفۋنمەن بايلانىستىرۋى مۇمكىن ەكەنىن ايتادى.

ا ق ش گەولوگيالىق قىزمەتىنىڭ دەرەگىنشە، 30-شىلدەدە كامچاتكا تۇبەگىندە ماگنيتۋداسى 8,8 بولاتىن جەر سىلكىنىسى تىركەلگەن. جەراستى ءدۇمپۋىنىڭ وشاعى شامامەن 19 شاقىرىم تەرەڭدىكتە ورنالاسقان.

ەسكە سالا كەتەيىك، وسى ءزىلزالادان كەيىن ءبىرقاتار ەلدە تسۋناميگە بايلانىستى ەسكەرتۋ جاريالانعان بولاتىن. جاپونيادا بيىكتىگى 50 سانتيمەترگە جەتەتىن سۋنامي تولقىنى تىركەلدى.