استانا. قازاقپارات - Tokyo Shoko Research Corporation جاپونيادا مامىر ايىندا كورپوراتيۆتىك بانكروتتىقتار سانى (قارىز سوماسى 10 ميلليون يەندەن اساتىن) 1009 عا جەتىپ، وتكەن جىلدىڭ سايكەس كەزەڭىمەن سالىستىرعاندا %42,9 عا ارتتى دەپ حابارلادى.
Kyodo News اقپارات اگەنتتىگىنىڭ حابارلاۋىنشا، جاپونيادا 2013 -جىلدىڭ شىلدەسىنەن بەرى شامامەن 11 جىل ىشىندە العاش رەت 1000 نان استام كومپانيا ءبىر اي ىشىندە بانكروتقا ۇشىراپ وتىر.
وعان اسىرەسە كوروناۆيرۋستىق ىندەتكە بايلانىستى نەسيەلەردى وتەي الماۋ جاعدايلارىمەن قاتار، باعانىڭ ءوسۋى جانە جۇمىس كۇشىنىڭ جەتىسپەۋشىلىگى سەبەپ بولعان. بۇدان وزگە دە ءتۇرلى جاعدايلار اتالعان كومپانيالاردىڭ قىزمەتىنە كوپ كەدەرگى كەلتىرگەن.
بولجام بويىنشا، جاپونيادا 2024 -جىلى بانكروت دەپ جاريالاعان كومپانيالاردىڭ سانى 10 مىڭنان اسۋى مۇمكىن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.