جاپونيادا 60 جاستان اسقان اجەلەردى «جالعا الۋ» قىزمەتى تانىمال بولىپ كەلەدى

جاپونيادا ەگدە جاستاعى ايەلدەردى ساعاتىنا شامامەن 3300 يەنگە (20 ا ق ش دوللارى) جانە جولاقىسىنا تەڭ قوسىمشا اقىعا جالداۋعا مۇمكىندىك بەرەتىن OK Obaachan (قازاقشا ماعىناسى - «جاقسى اجەي») قىزمەتى ىسكە قوسىلدى.

AZƏRTAC اگەنتتىگى جاپوندىق ب ا ق-قا سىلتەمە جاساپ حابارلاعانداي، بۇل قىزمەت 2011 -جىلى Client Partners كومپانياسى ىسكە قوسقان ساتتەن باستاپ كەڭ قولدانىسقا يە بولىپ، بۇگىنگى كۇنى وعان 60 پەن 94 جاس ارالىعىنداعى 100 گە جۋىق زەينەتكەر ايەل قاتىسىپ وتىر. ولار تاماق دايىنداۋ، بالا قاراۋ، ءۇي شارۋاسىنا كومەكتەسۋ، كالليگرافيا جانە باسقا دا تاجىريبەلىك قولداۋ تۇرلەرىن ۇسىنادى. سونىمەن قاتار، بۇل قىزمەتتىڭ اياسىندا ەموتسيونالدىق قولداۋ - جانۇيالىق داۋلاردى رەتتەۋگە كومەكتەسۋ، كليەنتتەرگە اجىراسۋ كەزىندە سەرىك بولۋ نەمەسە اتا-انالارعا كومەك كورسەتۋ سىندى قىزمەتتەر دە كورسەتىلەدى.

اتالعان باستاما جاپونيا قوعامىنداعى ماڭىزدى وزگەرىستەردى بەينەلەيدى: ەلدە ءار ءتورتىنشى ادام 65 جاستان اسسا دا جۇمىسىن جالعاستىرىپ وتىر. بۇل - تەك قارجىلىق قاجەتتىلىك ەمەس، سونىمەن بىرگە «يكيگاي» دەپ اتالاتىن ومىرلىك ماعىنانى ىزدەۋ مەن بەلسەندى بولۋعا ۇمتىلىستىڭ بەلگىسى.

OK Obaachan - جاپونيادا سوڭعى جىلدارى كەڭ تاراعان «وتباسىنى جالعا الۋ» قىزمەتىنىڭ ءبىر بولىگى سانالادى. بۇل قىزمەت تۇرلەرى الەۋمەتتىك وقشاۋلانۋ مەن ءداستۇرلى وتباسىلىق قۇرىلىمداردىڭ وزگەرۋ ماسەلەلەرىن شەشۋگە باعىتتالعان. ادامدار جالعان تۋىستاردى، دوستاردى جالعا الىپ، ءوز ومىرىندەگى بوس كەڭىستىكتەردى تولتىرا الادى.

ايتا كەتەلىك جاپونيادا ەكى ارال ءۇش كۇننىڭ ىشىندە ءبىر-بىرىنەن 10 سانتيمەترگە الىستاپ كەتكەن ەدى.