جاپونيا ۇزاق جاسايتىندار سانى جاعىنان رەكوردتى جاڭارتتى

استانا. KAZINFORM - جاپونيادا 100 جانە ودان جوعارى جاستاعىلاردىڭ سانى 95119 ادامدى قۇراپ، رەكورد جاڭارتتى، دەپ جازادى جاپونيانىڭ Kyodo News سەگنتتىگى.

100 جانە ودان جوعارى جاستاعى جاپوندىقتاردىڭ سانى 54 جىل قاتارىنان ءوسىپ كەلەدى.

جاپونيانىڭ دەنساۋلىق ساقتاۋ، ەڭبەك جانە ءال- اۋقات مينيسترلىگى ۇلتتىق قارتتار كۇنى مەرەكەسىنەن ءبىر كۇن وتكەن سوڭ، 15-قىركۇيەكتەگى جاعداي بويىنشا ۇزاق جاسايتىنداردىڭ جالپى سانى وتكەن جىلمەن سالىستىرعاندا 2980 ادامعا وسكەنىن حابارلادى. ونىڭ ىشىندە ايەلدەر�,3 - 83958 ادامدى قۇرادى.

ەستەرىڭىزگە سالا كەتەيىك، 116 جاستاعى توميكو يتوكا الەمدەگى ەڭ قارت ادام بولىپ تانىلدى. ول 1908 -جىلى 23-مامىردا دۇنيەگە كەلگەن جانە حيوگو پرەفەكتۋراسىندا تۇرادى.

100 دەن اسقان ەر ادامدار سانى 11161 ادامدى قۇرادى، ەلدەگى ەڭ قارت ەر ادام شيزۋوكا پرەفەكتۋراسىندا تۇراتىن 110 جاستاعى كيەتاكا ميدزۋنو. ول 1914 -جىلى 14 -ناۋرىزدا دۇنيەگە كەلگەن.

مينيسترلىك ەلدەگى ءومىر ءسۇرۋ ۇزاقتىعى 2023 -جىلى ايەلدەر ءۇشىن 87,14 جاسقا جانە ەرلەر ءۇشىن 81,09 جاسقا جەتكەنىن ايتتى.

1963 -جىلى العاش دەرەكتەر جينالا باستاعان كەزدە جاپونياداعى ۇزاق جاساعاندار سانى 153 بولدى. 1981 -جىلى بۇل كورسەتكىش 1000 نان اسىپ، 1998 -جىلى 10000 عا جەتتى.

بۇعان دەيىن 65 جاستان اسقان جاپون ازاماتتارىنىڭ سانى رەكوردتىق كورسەتكىشكە جەتىپ، 36,25 ميلليون ادامعا جەتكەنى، بۇل وتكەن جىلمەن سالىستىرعاندا 20 مىڭ ادامعا ارتىق ەكەنى حابارلانعان.