جاپونيا ەلشىلىگى قىتايداعى ازاماتتارىن ساق بولۋعا شاقىردى

استانا. KAZINFORM - قىتايدىڭ جۋحاي قالاسىندا بولعان كولىكپەن ادامداردى باسىپ كەتۋ وقيعاسىنان كەيىن جاپونيانىڭ قىتايداعى ەلشىلىگى 12-قاراشا كۇنى جاپون ازاماتتارىنا قاۋىپسىزدىك ەسكەرتۋىن جاريالادى، دەپ حابارلايدى RFI حالىقارالىق فرانسۋز راديوسى.

ەلشىلىك جاپون ازاماتتارىنا «جاپون تىلىندە قاتتى سويلەمەۋگە» جانە «نازار اۋدارتاتىن ارەكەتتەردەن اۋلاق بولۋعا» كەڭەس بەردى.

ەلشىلىكتىڭ مالىمدەۋىنشە، قازىرگە دەيىن بۇل وقيعادان زارداپ شەككەن جاپون ازاماتتارى تۋرالى اقپارات جوق، ءبىراق قىتايدا سوڭعى ۋاقىتتا ءبىرقاتار قاندى وقيعالار تىركەلگەن.

ەلشىلىك جاپون ازاماتتارىنا جەرگىلىكتى ادەت-عۇرىپتاردى قۇرمەتتەۋگە، اينالاعا ساق بولۋعا جانە كوپشىلىك ورىنداردا سەرگەك بولۋعا شاقىردى.

سونىمەن قاتار، تۇنگى ۋاقىتتا جالعىز جۇرمەۋگە جانە كۇندىز دە جالعىز ساپارلاردى ازايتۋعا كەڭەس بەرىلدى.

ايتا كەتەيىك، 11-قاراشا، دۇيسەنبى كۇنى، قىتايدىڭ وڭتۇستىگىندەگى جۋحاي قالاسىندا ەر ادام كولىكپەن كوپشىلىككە سوعىلىپ، 35 ادام قازا تاپتى. 43 ادام اۋىر جاراقات العان.

اۆتور
دانا نۇرباقىت