جاپونيا ۇكىمەتى تولىق وتستاۆكاعا كەتتى

استانا. KAZINFORM - جاپونيا ۇكىمەتى تولىعىمەن وتستاۆكاعا كەتۋگە ءوتىنىش بەردى، دەپ جازادى Kyodo news.

جاپونيا پرەمەر-ءمينيسترى سيگەرۋ يسيبا وتكەن ايداعى جالپى سايلاۋدان كەيىن ەلدىڭ كەلەسى پرەمەر- ءمينيسترىن تاڭداۋ ءۇشىن پارلامەنتتە داۋىس بەرۋ الدىندا كابينەتىمەن بىرگە وتستاۆكاعا كەتتى.

ەلدىڭ باسقارۋشى ليبەرالدى- دەموكراتيالىق پارتياسى مەن كومەيتونىڭ باسقارۋشى بلوگى وكىلدەر پالاتاسىندا از بولعاندىقتان، داۋىس بەرۋ سيگەرۋ يسيبا مەن كونستيتۋتسيالىق دەموكراتيالىق پارتيانىڭ ءىرى وپپوزيتسياسىنىڭ جەتەكشىسى ەسيحيكو نودا اراسىنداعى ەكىنشى تۋرعا اكەلۋى مۇمكىن.

سونىمەن قاتار جاپونيا پارلامەنتىنىڭ تومەنگى پالاتاسى باسقارۋشى ليبەرالدى- دەموكراتيالىق پارتيا كوشباسشىسى سيگەرۋ يسيبانى پرەمەر- مينيستر لاۋازىمىنا قايتا سايلادى. يسيبا – 221، نودا 160 داۋىس جيناپ، يسيبا پرەمەر-مينيستر ورنىن ساقتاپ قالدى.

11-قاراشادا سيگەرۋ يسيبا مينيسترلەر كابينەتىنىڭ جاڭا قۇرامىن قۇرۋى كەرەك. الايدا، ەندى سيگەرۋ يسيبا ەندى ازشىلىق ۇكىمەتىن باسقارۋى مۇمكىن، بۇل كواليتسيادان وپپوزيتسيانىڭ تالاپتارىن مۇقيات تىڭداۋدى تالاپ ەتەدى. اتاپ ايتقاندا، وپپوزيتسيالىق پارتيالار ساياسي رەفورمالار ءۇشىن قىسىمدى كۇشەيتۋى مۇمكىن.

اۆتور

ەركەجان سماعۇلوۆا