جاپونيا جاعالاۋىندا 5,2 بالدىق جەر سىلكىنىسى بولدى

الماتىدا 6 بالدان جوعارى جەر سىلكىنىسىنىڭ ىقتيمال قاۋپىن باعالايتىن ارنايى اقپاراتتىق جۇيە ازىرلەنەدى

استانا. KAZINFORM - يزۋ ارالىنىڭ جاعالاۋىندا ماگنيتۋداسى 5,2 بالل جەر سىلكىنىسى تىركەلدى. بۇل تۋرالى ەۋروپا- جەرورتا تەڭىزى سەيسمولوگيالىق ورتالىعى حابارلادى، دەپ جازدى تاسس اقپارات اگەنتتىگى.

ونىڭ ايتۋىنشا، جەر سىلكىنىسىنىڭ ەپيتسەنترى 122 مىڭعا جۋىق ادام تۇراتىن كيسارادزۋ قالاسىنان وڭتۇستىك- شىعىسقا قاراي 396 شاقىرىم جەردە ورنالاسقان. تەرەڭدىگى - 10 مىڭ شاقىرىم.

ادامداردىڭ قازا تاپقانى جانە عيماراتتاردىڭ قيراعانى جايلى اقپارات تۇسپەگەن. تسۋنامي ءقاۋپى جاريالانعان جوق.

ايتا كەتەيىك، بۇعان دەيىن جاپونيادا «امپيل» تايفۋنىنىڭ جاقىنداۋىنا بايلانىستى اۆياكومپانيالار 16-تامىز كۇنى جۇزگە جۋىق رەيستەرىن، ال تەمىرجولدار وپەراتسيالارىنىڭ ءبىر بولىگىن توقتاتىلعانىن حابارلاعان ەدىك.

جاپونيانىڭ مەتەورولوگيالىق باسقارماسى «اۋىر» دەپ جىكتەگەن «امپيل» تايفۋنى (№7 تايفۋن) توكيو مەن ونىڭ ماڭىنداعى اۋداندارعا قاراي بەت العان.