استانا. قازاقپارات - 2023 -جىلدىڭ قازان ايىندا جاپونيا حالقىنىڭ سانى 124,35 ميلليون ادام بولدى. بۇل وتكەن جىلمەن سالىستىرعاندا 595 مىڭ ادامعا از. بۇعان ەلدىڭ اكىمشىلىك ىستەر جانە كوممۋنيكاتسيالار مينيسترلىگىنىڭ مالىمەتتەرى دالەل، دەپ جازادى Anadolu.
ۆەدومستۆونىڭ مالىمەتىنشە، بۇل كورسەتكىش ون ءۇشىنشى جىل قاتارىنان تومەندەگەن.
2022 -جىلدىڭ قازان ايىنان 2023 -جىلدىڭ قازان ايىنا دەيىن جاپون ازاماتتىعىنا يە جاپون ازاماتتارىنىڭ سانى 837 مىڭ ادامعا ازايعان. بۇل - 1950 -جىلدان بەرگى ەڭ ۇلكەن تومەندەۋ.
جاپونيادا 65 جاستان اسقان قارتتاردىڭ سانى 36,4 ميلليونعا جەتكەن، بۇل - جالپى حالىقتىڭ 29,1 پايىزى.
75 جاستان اسقان جاپون تۇرعىندارىنىڭ سانى 20,08 ميلليونعا وسكەن. ال 14 جاسقا تولماعاندار سانى شامامەن 14,1 ميلليونعا دەيىن ازايعان.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан