استانا. KAZINFORM - الماتىدا بولعان ەكى جول اپاتى جاياۋ جۇرگىنشىلەردىڭ ءومىرىن قيدى. بۇل تۋرالى الماتى پوليتسيا دەپارتامەنتى مالىمدەدى.
ۆەدومستۆو مالىمەتىنشە، ەكى وقيعا دا بۇگىن بولعان.
«جاياۋ جۇرگىنشىلەر دە جۇرگىزۋشىلەر سياقتى جول قوزعالىسىنىڭ قاتىسۋشىلارى. الايدا كەيبىر ازاماتتار ءالى كۇنگە دەيىن ءوز ومىرىنە قاۋىپ ءتوندىرىپ، جولدى رۇقسات ەتىلمەگەن جەردەن كەسىپ وتەدى، قاۋىپسىز ەكەنىنە كوز جەتكىزبەي جولعا شىعادى. مۇنداي ارەكەتتىڭ سالدارى وتە اۋىر بولۋى مۇمكىن»، - دەپ ەسكەرتتى پوليتسيا.
ايتا كەتەيىك، جىل باسىنان بەرى الماتىدا جاياۋ جۇرگىنشىلەرگە قاتىستى 24 جول اپاتى تىركەلگەن. سونىڭ سالدارىنان 23 ادام جاراقات الىپ، ەكى ادام قازا تاپقان.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.