استانا. KAZINFORM - ەلىمىزدە جاستار اراسىندا (18-35 جاس) ولىمگە ءجيى الىپ كەلەتىن جايتتار انىقتالدى. بۇل تۋارلى قازاقستانداعى ب ۇ ۇ (يۋ ن ي س ە ف) بالالار قورىنىڭ جاس وسپىرىمدەر مەن جاستاردى دامىتۋ باعدارلاماسىنىڭ ۇيلەستىرۋشىسى ايگۇل قادىروۆا ءمالىم ەتتى.
«ۇلتتىق ستاتيستيكا بيۋروسىنىڭ 2022 -جىلعى مالىمەتتەرى بويىنشا 10 مەن 34 جاس ارالىعىنداعى جاستاردىڭ ءولىمىنىڭ نەگىزگى سەبەپتەرى انىقتالدى. ول جازاتايىم وقيعالار، ۋلانۋ، جاراقات، كولىك اپاتتارى جانە سۋيتسيد. بۇل رەتتە 15 جاستان 19 جاسقا دەيىنگى جاس وسپىرىمدەر اراسىندا سۋيتسيد ءبىرىنشى ورىندا تۇر. ونىڭ نەگىزگى سەبەبى پسيحيكالىق ماسەلەلەرمەن بايلانىستى»، - دەدى ايگۇل قادىروۆا سەناتتا وتكەن ۇكىمەت ساعاتىندا.
ونىڭ ايتۋىنشا، جوعارىدا اتالعان ءولىم سەبەپتەرى دەموگرافياعا ايتارلىقتاي اسەر ەتەدى.
«الايدا، جازاتايىم ءولىم-ءجىتىم تەرەڭىرەك زەرتتەۋدى قاجەت ەتەدى. ودان بولەك، ەڭبەككە قابىلەتتىلىك - حالىق سانىنىڭ ارتۋىنىڭ باستى سەبەپتەرىنىڭ ءبىرى»، - دەيدى ول.
اۆتور
داۋلەت ىزتىلەۋ
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан