جاسلان ماديەۆ بەيجىڭدەگى Huawei عىلىمي-زەرتتەۋ ورتالىعىنا باردى
بەيجىڭ. KAZINFORM - قازاقستان دەلەگاتسياسىنىڭ قىتايعا ساپارىنىڭ ىسكەرلىك باعدارلاماسى اياسىندا قازاقستاننىڭ سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى جاسلان مادييەۆ بەيجىڭدەگى Huawei عىلىمي- زەرتتەۋ ورتالىعىنا رەسمي ساپارمەن بارىپ، Huawei كومپانياسىنىڭ ۆيتسە-پرەزيدەنتى جانە حالىقارالىق ۇكىمەتتىك بايلانىستار جونىندەگى پرەزيدەنتى تونني باومەن كەزدەستى.
كەزدەسۋ بارىسىندا جاسلان ماديەۆ پەن تونني باو سيفرلىق تەحنولوگيالار مەن سيفرلىق ەكونوميكا سالاسىنداعى سوڭعى ۇردىستەر مەن مۇمكىندىكتەردى تالقىلادى.
«جاساندى ينتەللەكتتى، بۇلتتىق تەحنولوگيالاردى جانە باسقا دا وزىق شەشىمدەردى دامىتۋ - ءبىزدىڭ سيفرلىق ترانسفورماتسيامىزدىڭ باسىم باعىتتارى. بۇگىن تالقىلاعان جوبالار ەلىمىزدە اتالعان سيفرلىق تەحنولوگيالاردى دامىتۋعا باعىتتالعان ۇلكەن الەۋەتتى كورسەتىپ وتىر. الەمنىڭ الپاۋىت تەحنولوگيالىق كومپانيالارمەن ىنتىماقتاستىق بىزگە اقىلدى قالالار قۇرۋعا، مەملەكەتتىك قىزمەتتەردىڭ تيىمدىلىگىن ارتتىرۋعا جانە بيزنەس ءۇشىن جاڭا مۇمكىندىكتەرگە جول اشادى»، - دەپ تۇيىندەدى جاسلان ماديەۆ.
Huawei كومپانياسى قازاقستاندا 26 جىل بويى جۇمىس ىستەپ كەلەدى جانە قازاقستاننىڭ ايماقتىق سيفرلىق ورتالىق قۇرۋ باعىتىنداعى تۇراقتى دامۋىنا ىقپال ەتە وتىرىپ، سەنىمدى ۇزاق مەرزىمدى سەرىكتەس بولىپ قالا بەرەتىنىن مالىمدەدى.
اۆتور
ەلميرا ورالبايەۆا