ولاردىڭ كورەرمەندەر اۋديتورياسى 600 ميلليون ادامنان استى. بۇل تۋرالى شينحۋا اگەنتتىگى جازدى.
ەڭ تابىستى جوبالاردىڭ ءبىرى - «سۋن اۋلەتى كەزىندەگى قارۋلى كۇشتەر» سەريالى. ەجەلگى قىتايعا تاپ بولعان زاماناۋي اسكەري قىزمەتشىلەر تۋرالى حيكايا 4 ميللياردتان استام قارالىم جيناعان.
جوبامەن بار بولعانى التى ادامنان تۇراتىن كوماندا جۇمىس ىستەيدى. ولار ءارقايسىسىنىڭ ۇزاقتىعى ەكى مينۋتتان اسپايتىن مىڭ ەپيزود ءتۇسىرىپ ۇلگەرگەن.
جاساندى ينتەللەكت ءوندىرىس شىعىندارىن ايتارلىقتاي ازايتقان. سالا ماماندارىنىڭ مالىمەتىنشە، ساپالى ج ي-سەريال ءتۇسىرۋ ءداستۇرلى تۇسىرىلىمگە قاراعاندا شامامەن 10 ەسە ارزانعا تۇسەدى. سونىمەن قاتار 100 قىسقا ەپيزودتان تۇراتىن سەريالدى نەبارى ءۇش كۇندە دايىنداۋعا بولادى.
2026-جىلدىڭ العاشقى ون ايىندا قىتايدا شامامەن 550 مىڭ قىسقامەتراجدى سەريال جارىق كورگەن. ولاردىڭ 94 پايىزدان استامى جاساندى ينتەللەكت كومەگىمەن جاسالعان. ال نارىق كولەمى العاشقى بەس ايدا 22 ميلليارد يۋاننان اسقان.
تانىمالدىعىنا قاراماستان، جوبالاردىڭ باسىم بولىگى ازىرگە شىعىنعا باتىپ وتىر. DataEye ساراپتامالىق كومپانياسىنىڭ باعالاۋىنشا، ج ي-سەريالداردىڭ نەبارى 1,3 پايىزى عانا پايدا تابۋعا قاجەتتى قارالىم دەڭگەيىنە جەتەدى.
ساراپشىلار سالانىڭ نەگىزگى ماسەلەلەرى رەتىندە سيۋجەتتەردىڭ بىركەلكىلىگىن، كەيىپكەرلەر بەينەسىن جاساۋداعى قاتەلىكتەردى جانە جوعارى باسەكەلەستىكتى اتايدى. يندۋستريانىڭ قارقىندى دامۋىنا بايلانىستى قىتاي بيلىگى مۇنداي كونتەنتتىڭ ساپاسىنا باقىلاۋدى كۇشەيتىپ جاتىر.