جاساندى ينتەللەكتىنىڭ دامۋى اياسىندا سيفرلىق سوزدىك قورىنا ەرەكشە ءمان بەرىلمەك

استانا. KAZINFORM - پارلامەنت ءماجىلىسىنىڭ قاراۋىنا «مادەنيەت تۋرالى» زاڭىنا تولىقتىرۋلار ەنگىزۋ تۋرالى» زاڭ جوباسى كەلىپ ءتۇستى.

«زاڭ جوباسى دەپۋتاتتاردىڭ باستاماسىمەن ازىرلەندى. قۇجات بارلىق ساراپتامادان ءوتتى، ۇكىمەتتىڭ قورىتىندىسى دا بار. زاڭ جوباسىنىڭ ماقساتى - جاساندى ينتەللەكتىنىڭ دامۋىنا بايلانىستى ءتىلدىڭ تسيفرلىق ۇلتتىق سوزدىك قورىن جاساۋ. LLM سياقتى، ياعني اۋقىمدى تىلدىك مودەلىندە قالىپتاستىرۋعا باعىتتالىپ وتىر. ءماجىلىستىڭ الەۋمەتتىك-مادەني دامۋ كوميتەتى زاڭ جوباسى بويىنشا قورىتىندى ازىرلەۋگە دايىن»، - دەدى دەپۋتات اسحات ايماعامبەتوۆ ءماجىلىستىڭ جالپى وتىرىسىندا.

ايتا كەتەيىك، جاقىندا ق ر سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى روستيسلاۆ كونياشكين ەڭبەك نارىعىنا جاساندى ينتەللەكت اسەر ەتىپ جاتقانىن ايتتى.

مەملەكەت باسشىسى قاسىم-جومارت توقايەۆ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىندا استانادا جاساندى ينتەللەكت ۇلتتىق ورتالىعىن ىسكە قوسۋدى تاپسىردى.

اۆتور
رۋسلان عابباسوۆ