جاساندى ينتەللەكت ءداۋىرى باي مەن كەدەيدىڭ اراسىن ودان ارى الشاقتاتادى - اتاقتى ەكونوميست

بۇل - «نەيروجەلىلەر ءبارىن اۆتوماتتاندىرادى، ال ءبىز ەركىن ءومىر ءسۇرىپ، پاسسيۆ تابىسقا كوشەمىز» دەگەن تانىمال ۋادەنى سۋ سەپكەندەي باساتىن تۇجىرىم.

شيللينگتىڭ پايىمداۋىنشا، تەحنولوگيا ورتاشا جالاقىلى ماماندىقتاردى قىسقارتىپ، تابىستاردى شەتكى ەكى پوليۋسكە ىعىستىرادى: ءبىر جاعىندا اسا جوعارى بىلىكتى ازشىلىق، ەكىنشى جاعىندا تومەن اقىعا كوپشىلىك قىزمەت. وسى ارادا ءبىلىم، باسپانا، دەنساۋلىق قۇنى ۇنەمى ءوسىپ وتىرادى، جالاقى ءوسىمى ونى قۋىپ جەتە بەرمەيدى.

ناتيجەسىندە زۋمەرلەر اتا-اناسىنان كوپ جۇمىس ىستەپ، باي-كەدەي اراسى قاتتى الشاقتاعان ورتادا ءومىر ءسۇرۋ قاۋپىمەن بەتپە- بەت كەلەدى. دەگەنمەن، بۇل ءۇمىت جوق دەگەن ءسوز ەمەس. ج ي جاڭا كاسىپتەر مەن نارىقتار تۋدىرادى، ال وعان ەرتە بەيىمدەلگەندەر ۇتادى: تەز ۇيرەنۋ قابىلەتى، دەربەس جوبالار، اكسيالار مەن وپتسيوندار ارقىلى مەنشىكتىك ۇلەس جيناۋ، نارىق پەن گەوگرافياعا يكەمدى كوشۋ - ءبارى دە بولاشاق تابىستىڭ تەتىگى.

بۇگىنگى پراگماتيكالىق قورىتىندى مىناۋ: ەركىندىك پەن پاسسيۆ كىرىس «وزدىگىنەن كەلەتىن» سىي ەمەس، تەحنولوگيامەن بىرگە كەلەتىن جاۋاپكەرشىلىك.

ج ي-دى تۇتىنۋشى رەتىندە عانا ەمەس، قۇن جاسايتىن قۇرال رەتىندە يگەرگەندەردىڭ جولى بولادى. ەستەرىڭىزگە سالا كەتەيىك، شيللەر - 2008 -جىلعى داعدارىستى ءدال بولجاعان ەكونوميست.