ميچيگان شتاتىنىڭ ليۆينگستون وكرۋگىندە تۇراتىن 57 جاستاعى ەر ادام جاقىندا جەرگىلىكتى دۇكەننەن Diamond Pearls لوتورەياسىنىڭ بيلەتىن ساتىپ العان. سول بيلەت ۇتىس الىپ كەلدى.
- مەن ۇيلەنگەن كۇننىڭ ەرتەسىنە بيلەت ساتىپ الىپ، قورعانىش قاباتىن ءسۇرتۋ ءۇشىن ايەلىمە بەردىم، - دەدى ۇتىس يەسى لوتورەيا وكىلدەرىنە.
ول ايەلى ەكەۋى ۇتىس كولەمى ميلليون اقش دوللارى ەكەنىن تۇسىنگەندە ءوز-وزدەرىنە سەنبەگەنىن ايتتى.
- ءبىز شىنىندا ۇتىس يەسى اتانعانىمىزعا سەنە الماي نۇسقاۋلىقتى قايتالاپ وقي بەردىك، - دەپ جالعاستىردى ول.
لوتورەيا وكىلدەرىنىڭ سوزىنشە، جەڭىمپاز ءبىر رەتتىك تولەم ارقىلى 693000 ا ق ش دوللارىن الادى.
اتى اتالماعان ۇتىس يەسى قارجىنى ينۆەستيتسيالاۋدى جوسپارلاپ وتىر، ءبىراق ازىرگە قالاي ەكەنى بەلگىسىز.