جاس جازۋشى بايان تاسقىن ۇلى قىتايدىڭ سانماو ادەبي سىيلىعىنىڭ يەگەرى اتاندى

ول سىيلىققا «قىران بويىندا» اتتى ەسسەسىمەن ۇسىنىلىپ وتىر.

«قىران بويىندا» شىعارماسىندا بايان تاسقىن ۇلى التايدىڭ لاستى اۋىلىنىڭ نوعايتى ەلدى مەكەنىندە وتكەرگەن باقىتتى بالالىق شاعى تۋرالى سىر شەرتەدى، جەرگىلىكتى حالىقتىڭ تۇرمىس- تىرشىلىگىنىڭ كوركەم سۋرەتىن جاساپ، زامان تالابى تۋدىرعان الەۋمەتتىك وزگەرىستەر تۋرالى ويىمەن بولىسەدى.

بايان تاسقىن ۇلى 1999 -جىلى التاي قالاسىندا تۋعان، گۋاڭجوۋ ۋنيۆەرسيتەتى قىتاي ادەبيەتى فاكۋلتەتىنىڭ تۇلەگى. ادەبيەت ولكەسىنە 2021 -جىلى قادام تاستاعان قىتاي ءتىلدى جازۋشىنىڭ شىعارمالارى «ۇلتتار ادەبيەتى»، «ۇلتتىق جيناق»، «باتىس» سەكىلدى بەدەلدى باسىلىمداردا جارىق كورگەن. «XXI عاسىر قىتاي پروزاسىنىڭ انتولوگياسى - 2023» جيناعىنا شىعارماسى ەنگەن. 　

2016 -جىلى تاعايىندالعان سانماو اتىنداعى پروزالىق شىعارمالار سىيلىعى - قىتايدىڭ كوركەم ادەبيەت سالاسىنداعى تانىمال سىيلىقتاردىڭ ءبىرى. كونكۋرسقا قىتاي تىلىندەگى پروزالىق جيناقتار مەن اشىق جاريالانعان ەسسە-جازبالار قاتىسا الادى. سىيلىققا ۇسىنىلاتىن تۋىندىلاردان رۋحاني قۇندىلىقتاردى ۇلىقتاۋ، زامانا وزگەرىسىن كورسەتۋ، پوەزيالىق مانەر مەن كوركەمدىك بوياۋعا باي بولۋ تالاپ ەتەدى.

ەرلان مازان