- قازاقستان عالىمدارى عىلىم جانە جوعارى ءبىلىم مينيسترلىگى جىل سايىن بەكىتەتىن تىزىمگە ەنگىزىلگەن جوعارى جانە (نەمەسە) جوعارى وقۋ ورنىنان كەيىنگى ءبىلىم بەرەتىن جەتەكشى شەتەلدىك ۇيىمداردا، عىلىمي ورتالىقتاردا جانە وزگە دە ۇيىمداردا عىلىمي تاعىلىمدامادان وتە الادى. وعان جەتەكشى ۋنيۆەرسيتەتتەر مەن حالىقارالىق دەڭگەيدە تانىلعان عىلىمي ورتالىقتار مەن ۇيىمدار كىرەدى،-دەدى مينيسترلىكتەن اگەنتتىكتىڭ رەسمي ساۋالىنا وراي.
2026-جىلعا ارنالعان ءتىزىم عىلىم جانە جوعارى ءبىلىم ءمينيسترىنىڭ 2026-جىلعى 2 -ساۋىردەگى № 168 بۇيرىعىمەن بەكىتىلگەن. اتالعان تىزىمدە اۋستراليانىڭ – 21، اۋستريانىڭ – 6، بەلگيا كورولدىگىنىڭ – 3، برازيالىنىڭ – 4، ماجارستاننىڭ – 1، ۇلىبريتانيا جانە سولتۇستىك يرلانيا بىرىككەن كورولدىگىنىڭ - 65، گەرمانيانىڭ – 21، دانيا كورولدىگىنىڭ – 7، ءۇندىستاننىڭ – 9، يزرايلدىڭ – 1، يرلانديانىڭ – 2، يتاليانىڭ – 25، كانادانىڭ – 13، قىتايدىڭ – 28، گونكونگ ارنايى اكىمشىلىك اۋدانىنىڭ – 7، ماكاو ارنايى اكىمشىلىك اۋدانىنىڭ – 1، مالايزيانىڭ – 7، مەكسيكانىڭ – 2، نيدەرلاند كورولدىگىنىڭ – 14، جاڭا زەلانديانىڭ – 4، نورۆەگيا كورولدىگىنىڭ – 4، بىرىككەن اراب امىرلىكتەرىنىڭ – 2، پولشانىڭ – 1، رەسەيدىڭ – 9، سينگاپۋردىڭ – 2، ا ق ش- تىڭ – 89، تۇركيانىڭ – 2، فينليانديانىڭ – 6، فرانتسيانىڭ – 22، چيليدىڭ – 2، شۆەيتساريانىڭ – 19، شۆەتسيا كورولدىگىنىڭ – 11، كورەيانىڭ – 13، وڭتۇستىك افريكا رەسپۋبليكاسىنىڭ – 3، جاپنيانىڭ 11 ۋنيۆەرسيتەتى بار.
- بۇدان ءارى عىلىمي تاعىلىمدامادان وتۋگە بولاتىن ۇيىمدار تىزبەسىن كەڭەيتۋ جوسپارلانىپ وتىر. ءتىزىم عىلىمي قوعامداستىقتىڭ وزەكتى قاجەتتىلىكتەرىن، زاماناۋي تەندەنتسيالاردى جانە عىلىمدى دامىتۋدىڭ باسىم باعىتتارىن، سونداي-اق جاڭا عىلىمي باعىتتار مەن پەرسپەكتيۆالى سەرىكتەس ۇيىمداردىڭ پايدا بولۋىن ەسكەرە وتىرىپ قالىپتاستىرىلادى،- دەدى ۆەدومستۆودان.
بۇعان دەيىن قازاق عالىمدارىنىڭ ازىرلەمەلەرى شەتەلدەردە سۇرانىسقا يە بولعانىن جازعان ەدىك.