جاريالانباعان چەللەندج: س ق و- دا ىشىمدىكتەن باس تارتقان اۋىلدار سانى ارتىپ كەلەدى

پەتروپاۆل. KAZINFORM - سولتۇستىك قازاقستان وبلىسىندا ىشىمدىكتەن باس تارتقان اۋىلدار سانى 19 عا جەتتى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، تىزىمگە سوڭعىلاردىڭ ءبىرى بولىپ اقجار اۋدانىنىڭ بايتۇس اۋىلى قوسىلدى. ەلدى مەكەندە وتكەن جيىندا تۇرعىندار الكوگولدەن باس تارتۋ باستاماسىن ءبىراۋىزدان قولدادى.

- «زاڭ جانە ءتارتىپ» يدەولوگياسىن ىلگەرىلەتۋ اياسىندا پوليتسەيلەر ىشىمدىكتەن باس تارتۋدى بەلسەندى ناسيحاتتاپ كەلەدى. مۇنىڭ ارتىقشىلىعى كوپ: ىشىمدىك ىشپەيتىن اۋىلداردا اۋىر جانە اسا اۋىر قىلمىستار، سونداي-اق وتباسىلىق-تۇرمىستىق قۇقىق بۇزۋشىلىقتار جاسالمايدى.

بيىل ق ر ىشكى ىستەر مينيسترلىگىندە «پوليتسيا زاڭ مەن ءتارتىپ كۇزەتىندە» اتتى پروفيلاكتيكا جىلى دەپ جاريالاندى. وبلىستا وسى ارالىقتا ءۋاليحانوۆ، تيميريازيەۆ، اققايىڭ، تايىنشا، ەسىل، اقجار، جامبىل، م. جۇمابايەۆ، شال اقىن، ع. مۇسىرەپوۆ اۋداندارىندا 10 نان استام اۋىل ىشىمدىكتەن باس تارتتى، - دەيدى پوليتسيا قىزمەتكەرلەرى.

بۇل «جاريالانباعان چەللەندج» وڭىردە 2022 -جىلى باستالىپ، وعان العاشقىلاردىڭ ءبىرى بولىپ تايىنشا اۋدانىنىڭ تەڭدىك، ع. مۇسىرەپوۆ اتىنداعى اۋداننىڭ كوۆىلنوە، ايىرتاۋ اۋدانىنىڭ بىرلەستىك پەن قاراساي باتىر اۋىلدارى قولداۋ كورسەتتى.

بۇعان دەيىن م. جۇمابايەۆ اۋدانى سۋلىشوق اۋىلىنىڭ تۇرعىندارى توي-تومالاقتى اراق- شاراپسىز وتكىزەتىندىگىن جازعان ەدىك.