جارتى جىل ىشىندە موپەدتى تىركەۋگە قويماعاندارعا قانداي جازا قاراستىرىلعان

استانا. KAZINFORM – ق ر ىشكى ىستەر ءمينيسترىنىڭ ورىنباسارى يگور لەپەحا موپەدىن مەملەكەتتىك تىركەۋگە قويماعاندارعا ايىپپۇل سالىناتىنىن ايتتى.

بۇگىن سەناتتىڭ جالپى وتىرىسىنان كەيىن تىلشىلەر موپەدتەردى تەركەۋگە قانشا ۋاقىت بەرىلەتىنىن سۇرادى. ي. لەپەحانىڭ ايتۋىنشا، زاڭعا پرەزيدەنت قول قويىپ، قۇجات العاش رەسمي جاريالانعان كۇننەن كەيىن 6 اي ىشىندە تىركەۋگە قويۋ كەرەك.

«جارتى جىل ۋاقىت بەرىلەدى، ياعني وسى ارالىقتا مەملەكەتتىك تىركەۋگە قويىپ ۇلگەرۋ كەرەك. قازىر ءبىر ايدىڭ ىشىندە ءتيىستى قۇقىقتىق بازانى، بۇيرىقتاردى پىسىقتاپ شىعامىز. سودان كەيىن تىركەۋگە قويۋ تۋرالى جاريالايمىز. بەرىلگەن جارتى جىلدا تىركەلىپ ۇلگەرمەسە، بۇل موپەدتەردى توقتاتىپ، ايىپتۇراققا جەتكىزەمىز. ونىڭ يەسى كولىگىن تىركەگەننەن كەيىن عانا تۇراقتان الادى»، - دەدى ىشكى ىستەر ءمينيسترىنىڭ ورىنباسارى.

ونىڭ ايتۋىنشا، زاڭ العاش رەسمي جاريالانعان كۇننەن باستاپ جارتى جىل بويى پوليسەيلەر موپەد جۇرگىزۋشىلەرىنە كولىگىن تىركەۋگە قويۋ تۋرالى تۇسىندىرەدى.

«وسى 6 ايدا موپەدتى تىركەمەي، ءنومىرسىز جۇرگەندەرگە ايىپپۇل سالىنادى. ياعني ءنومىرسىز جولعا شىققان اۆتوكولىك يەلەرى سياقتى جازاعا تارتىلادى»، - دەدى يگور لەپەحا.