استانا. KAZINFORM - قازاقستاندىق بوكسشى، WBO/IBF تۇجىرىمدارى بويىنشا ورتا سالماقتاعى الەم چەمپيونى جانىبەك ءالىمحان ۇلىنىڭ قارسىلاسى جاڭا زەلانديالىق اندرەي ميحايلوۆيچ وتپەي قالعان جەكپە-جەكتەن كەيىن الەۋمەتتىك جەلىدەگى پاراقشاسىنا پىكىر ءبىلدىردى.
بۇل تۋرالى Sports.kz جازدى.
«وسى ايقاس ءۇشىن 7000 ميل جولدى ارتقا تاستاپ، ساياحاتتادىم. الايدا كۇتپەگەن جاعداي بولىپ، جەكپە-جەكتىڭ بولماي قالعانى ارينە وكىنىشتى. بۇل البەتتە عاسىر وقيعاسى بولدى. امال جوق كونەمىز. سىزدەردىڭ سۇيىسپەنشىلىكتەرىڭىزگە كوپ راقمەت. وسى ءبىر كەلەڭسىزدىكتى ەڭسەرۋگە سىزدەر كومەكتەسەسىزدەر»، - دەپ جازدى ميحايلوۆيچ.
ەستەرىڭىزگە سالا كەتەيىك، جانىبەك اندرەي ميحايلوۆيچكە قارسى وتەتىن جەكپە-جەك الدىندا ەسىنەن تانىپ قالعان بولاتىن.
ارتىنشا پروموۋتەر جانىبەك ءالىمحان ۇلىنىڭ اۋرۋحاناعا ءتۇسىپ قالۋىنا قاتىستى مالىمدەمە جاسادى.
كەيىن جانىبەك ءوزى جاعدايى تۋرالى جازبا جاريالادى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.