جانىبەك ءالىمحان ۇلىنىڭ كەلەسى جەكپە-جەگى قاشان وتەتىنى بەلگىلى بولدى

استانا. KAZINFORM - قازاقستاندىق بوكسشى، WBO/IBF تۇجىرىمى بويىنشا ورتا سالماقتاعى الەم چەمپيونى جانىبەك ءالىمحان ۇلى (15-0، 10 ك و) كەلەسى جەكپە- جەگىن مىندەتتى قارسىلاسى جاڭا زەلانديالىق اندرەي ميحايلوۆيچپەن (21-0، 13 ك و) وتكىزەدى، دەپ حابارلايدى Sports kz پورتالى.

جەكپە-جەكتى وتكىزۋگە ءوتىنىمدى جەڭىپ العان No Limit Boxing پروموۋتەرلىك كومپانياسى جۇدىرىقتاسۋ 4-قازاندا سيدنەيدە (اۋستراليا) وتەتىنىن حابارلادى. ا ق ش- تا شوۋ ESPN+ ارناسىنان كورسەتىلەدى. بۇل رەتتە قوس بوكسشى تەك IBF الەم چەمپيونى اتاعى ءۇشىن تالاسادى. سەبەبى ەستەرىڭىزدە بولسا، ءالىمحان ۇلى بۇعان دەيىن WBO ميحايلوۆيچپەن جەكپە-جەككە قارساڭىندا سالماق جيناي الماي، كوپشىلىك كۇتكەن جۇدىرىقتاسۋعا سانكسيا بەرىلمەگەن بولاتىن.

جانىبەك ءالىمحان ۇلى مەن اندرەي ميحايلوۆيچ شىلدە ايىندا جەكپە-جەككە شىعۋى كەرەك ەدى، الايدا كەزدەسۋ الدىندا «قازاق ستيلى» سالماق قۋام دەپ، ساتسىزدىككە ۇشىراپ، اعزاعا سۋ جەتىسپەۋشىلىگىنەن ەسىنەن تانىپ، اۋرۋحاناعا تۇسكەن بولاتىن.