قازاقستاندىق بوكسشى جانىبەك ءالىمحان ۇلى (15-0، 10 ك و) بريتانيالىق نەتان حينيمەن (18-0، 6 ك و) جۇدىرىقتاسۋى مۇمكىن، دەپ حابارلايدى قازاقپارات Sports.kz سايتىنا سىلتەمە جاساپ.
بوكس تۋرالى تانىمال Twitter-اككاۋنت Boxing Waffle بۇل كەزدەسۋدى كەلەسى جىلى ستوك- ون-ترەنتتە (انگليا)، ياعني حينيدىڭ تۋعان قالاسىندا وتكىزۋدى ۇسىندى. بريتانيالىق فاناتتار بۇل باستاماعا الەۋمەتتىك جەلىلەر ارقىلى قولداۋ ءبىلدىردى.
ايتا كەتەيىك، نەتان حينني تورەشىلەر شەشىمىمەن دەنزەل بەنتليدى (18-3-1، 15 ك و) جەڭىپ، ورتا سالماقتاعى بريتانيا چەمپيونى اتاعىن جەڭىپ الدى.
وسىعان دەيىن پروموۋتەر فرەنك ۋوررەن حينيگە، ەگەر ول بەنتليدى جەڭەتىن بولسا، الەم چەمپيونى اتاعى ءۇشىن كەزدەسۋ ۇيىمداستىرۋدى ۋادە ەتكەن. ەندى ونىڭ قارسىلاسى وزگە ەمەس جانىبەك ءالىمحان ۇلى بولادى دەگەن بولجام بار.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан