استانا. KAZINFORM - امەريكالىق Boxing247.com پورتالى ساۋل «كانەلو» الۆارەسكە ەدگار بەرلانگا - حامزا شيراز جەكپە-جەگىنىڭ جەڭىمپازىمەن كەزدەسۋدەن باس تارتىپ، باسقا قارسىلاستاردى قاراستىرۋدى ۇسىندى. سولاردىڭ قاتارىندا جەڭىلمەگەن قازاقستاندىق چەمپيون جانىبەك ءالىمحان ۇلى دا بار.
«جانكۇيەرلەر ءۇشىن بەرلانگانىڭ «كانەلوعا» ەكىنشى مۇمكىندىك الۋى ۇلكەن كوڭىلسىزدىك بولار ەدى. ول بار بولعانى ەكى بوكسشىنى جەڭىپ، ريەۆانشقا لايىق ەمەس. ال شيرازدىڭ سوڭعى كەزدەسۋىندەگى (كارلوس ادامەسكە قارسى) داۋلى جەڭىسىنەن كەيىن ول دا جاقسى تاڭداۋ ەمەس. جاڭا قان كەرەك. مىنە، كانەلومەن كەزدەسۋگە لايىق بوكسشىلار: كريستيان مبيللي، وسلەيس يگلەسياس، لەستەر مارتينەس، جانىبەك ءالىمحان ۇلى، يوەنلي ەرناندەس»، - دەپ جازادى باسىلىم.
ايتا كەتەيىك، جانىبەك ءالىمحان ۇلى - ورتا سالماقتاعى WBO جانە IBF نۇسقالارى بويىنشا الەم چەمپيونى. ول سوڭعى جەكپە-جەگىن 5-ءساۋىر كۇنى استانادا وتكىزىپ، فرانسۋز اناۋەل نگاميسسەنگەنى 2-راۋندتا نوكاۋتقا جىبەردى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.