تاراز. KAZINFORM - جازعى وليمپيادا ويىندارىنىڭ چەمپيونى ەلدوس سمەتوۆ بۇگىن ەلگە ورالدى. ەل مەرەيىن اسقاقتاتقان سپورتشىنى جۇزدەگەن جامبىلدىق جانكۇيەرلەرى تاراز قالاسىنىڭ شىعىس قاقپاسىنان قارسى الدى.
قارسى الۋشىلار قاتارىندا وبلىس اكىمى ەربول قاراشوكەيەۆ باستاعان مەكەمە باسشىلارى، سپورت ارداگەرلەرى، سپورتشىلار مەن باپكەرلەر، بەلسەندى جاستار بار.
ءتورتجىلدىقتىڭ باستى دوداسىندا توپ جارعان جامبىلدىق جامپوزدى ۇلىقتاۋ ماقساتىندا وبلىس ورتالىعىنىڭ جامبىل داڭعىلى، ىبىرايىم سۇلەيمەنوۆ كوشەلەرىندە شەرۋ ۇيىمداستىرىلىپ، ونىڭ سوڭى گالا كونسەرتكە ۇلاسادى.
ەسكە سالايىق، ەلدوس سمەتوۆ سوڭعى ءۇش وليمپيادا ويىندارىنا قاتىسىپ، بارىنەن ولجالى ورالدى. 2016 -جىلى ريودا كۇمىس جۇلدە جەڭىپ السا، توكيو وليمپياداسىن قولا جۇلدەمەن اياقتادى. وسى جولى التىنىن موينىنا تاقتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.