Jambyldyq oqýshylar jeti jyl boıy elimizdiń bilim saıystarynda kósh bastap keledi
Sharada Jambyl oblysynyń ákimi Asqar Myrzahmetov oblys mektepteri úshin ótken oqý jyly sátti bolǵanyn aıtty.
«О́tken oqý jylynda jambyldyq oqýshylar respýblıkalyq, halyqaralyq olımpıadalar men ǵylymı saıystarda 143 medal jeńip aldy. Jalpy respýblıkalyq olımpıadalardyń qorytyndylary boıynsha, Jambyl oblysy komandasy jetinshi jyl qatarynan birinshi oryndy ıelenip, «Úzdik olımpıada komandasy» atanyp keledi. Daryndy balalarǵa arnalǵan «BILIM-INNOVATSIA» mektep-ınternaty onynshy jyl qatarynan «Úzdik olımpıada mektebi» atanyp otyr. Olımpıada jáne ǵylym saıystary júldegerleriniń 63 paıyzy mamandandyrylǵan mektepterdiń oqýshylary ekenin aıta ketken jón. Bul jetistikterge oqytýshylardyń eren eńbegi men ata-analardyń qadaǵalaýy arqyly qol jetti. Bıyl oblystaǵy 508 pedagog respýblıkalyq konkýrstardyń jeńimpazy boldy», - dedi óńir basshysy.
Jambyl oblysynyń ákimi «BILIM-INNOVATSIA» mektep-ınternatynyń tájirıbesin basqa mektepterde de engizýdi usyndy.
Oblystyq bilim basqarmasynyń málimetterine qaraǵanda, jańa oqý jylynda on aýdan ortalyǵynyń barlyǵynda jáne Taraz qalasynda tabıǵı-matematıkalyq pánderdi tereńdete oqytatyn 11 mektep-lıtseı ashylady. Budan tys, daryndy balalarǵa arnalǵan mektepterdiń jelisi ulǵaıtylady.
Jańa oqý jylynda oblys ortalyǵynda Aqparattyq tehnologıalar lıtseı-ınternaty ashylady. Onda balalar matematıka men fızıkany tereńdeı oqıdy. Jyl sońyna deıin 12 IT-synyp ashylyp, oqýshylarǵa 3D-modeldeý, baǵdarlamalaý, robot tehnıkasynyń qyr-syry úıretiledi.