جامبىل وبلىسىندا كوماعا تۇسكەن ساربازعا زورلىق-زومبىلىق جاسالعانى راستالدى
تاراز. KAZINFORM - قورعانىس مينيسترلىگى جامبىل وبلىسىندا كوماعا تۇسكەن 19 جاستاعى ساربازعا جاسالعان زورلىق-زومبىلىق فاكتىسىن راستادى.
قازىرگى تاڭدا ساربازدىڭ جاعدايى تۇراقتى جانە اۋىر دەپ باعالانىپ وتىر.
«سارباز الماتى قالاسىنداعى اسكەري-كلينيكالىق گوسپيتالدا جاتىر. وعان بارلىق قاجەتتى مەديتسينالىق كومەك كورسەتىلگەن. اسكەري دارىگەرلەر مەن باسقا دا ماماندار ونى تەكسەرىپ، بارلىق قاجەتتى شارالاردى جۇرگىزىپ جاتىر. اتالعان فاكتى بويىنشا قىزمەتتىك وكىلەتتىگىن اسىرا پايدالانعان سەرجانتقا قاتىستى تەرگەۋ باستالدى. بۇگىندە اسكەري-تەرگەۋ ورگاندارى اسكەري قىزمەتشىگە قاتىستى جەدەل ىزدەستىرۋ شارالارىن جۇرگىزىپ جاتىر»، - دەدى ۆەدومستۆو وكىلى رۋسلان جانعۇلين.
ايتا كەتەيىك، بۇعان دەيىن كلينيكالىق ءولىم: جامبىل وبلىسىندا سارباز جانساقتاۋ بولىمىنە تۇسكەنىن، وتاردا كوماعا تۇسكەن سارباز ەسىن جيعانىن حابارلاعان بولاتىنبىز.