جامبىل وبلىسىندا پارا العانى ءۇشىن ەكولوگيا دەپارتامەنتىنىڭ باسشىسى سوتتالدى

تاراز. KAZINFORM - تاراز قالاسىنىڭ سوتى جامبىل وبلىسى بويىنشا ەكولوگيا دەپارتامەنتىنىڭ باسشىسى ت. سماعۇلوۆ، «تاراز مەتاللۋرگيا زاۋىتى» ج ش س باس ديرەكتورىنىڭ ورىنباسارى ب. پولاتبەكوۆ جانە وسى كاسىپورىننىڭ ەكولوگى م. اسانعا قاتىستى ۇكىمدى جاريالادى.

- سماعۇلوۆ پارا العانى ءۇشىن، ال زاۋىت وكىلدەرى ەكولوگيالىق زاڭنامانىڭ ساقتالۋىن تەكسەرۋ كەزىندە بۇزۋشىلىقتاردى جويۋعا مۇمكىندىك بەرگەنى، جالپى قامقورلىعى جانە پارا بەرگەنى ءۇشىن كىنالى دەپ تانىلدى، - دەلىنگەن حابارلامادا.

سماعۇلوۆ، پولاتبەكوۆ سونداي-اق اسانعا جالپى سوماسى 24 ميلليون تەڭگە ايىپپۇل سالىندى.

بۇدان باسقا، ولار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ءومىر بويىنا ايىرىلادى.

سوت اكتىسى زاڭدى كۇشىنە ەندى.

ايتا كەتەيىك، بۇعان دەيىن جامبىل وبلىسىندا ماماندار دايارلاۋعا بولىنگەن 25,5 ميلليون تەڭگەنى جىمقىرعان بولاتىن.