جالعىز ادامدىق كامەراداعىلارعا تەمەكى تارتۋعا جانە كەزدەسۋگە سالىنعان تىيىم تەكسەرىلەدى

استانا. KAZINFORM - كونستيتۋتسيالىق سوت تارتىپتىك يزولياتور مەن جالعىز ادامدىق كامەراداعى سوتتالعاندارعا سالىنعان تىيىم تۋرالى نورمالاردىڭ كونستيتۋتسياعا سايكەستىگىن تەكسەرەدى.

كونستيتۋتسيالىق سوت الدىن الا قاراۋ قورىتىندىسى بويىنشا قىلمىستىق-اتقارۋ كودەكسىنىڭ 109-بابى ەكىنشى بولىگىنىڭ، 134-بابى ءبىرىنشى بولىگى 2-تارماقشاسىنىڭ جانە قىلمىستىق- اتقارۋ جۇيەسى مەكەمەلەرىنىڭ ىشكى ءتارتىپ قاعيدالارىنىڭ 104-تارماعىنىڭ كونستيتۋتسياعا سايكەستىگىن تەكسەرۋ تۋرالى ازاماتتىڭ ءوتىنىشىن ءىس جۇرگىزۋگە قابىلدادى.

داۋلى نورمالاردا تارتىپتىك يزولياتور مەن جالعىز ادامدىق كامەراعا قامالعان سوتتالعاندار ءۇشىن كۇندىز كەزدەسۋگە، تەلەفونمەن سويلەسۋگە، ازىق-تۇلىك پەن قاجەتتى زاتتاردى ساتىپ الۋعا، تەمەكى شەگۋگە جانە ۇيىقتايتىن ورىندى پايدالانۋعا تىيىم سالۋ بەلگىلەنگەن.

سوتتالعان ادامنىڭ جاقىن تۋىستارى قايتىس بولعان، اۋىر ناۋقاستانعان كەزدە نەمەسە وتباسىنا ەلەۋلى زالال كەلتىرگەن دۇلەي ءزىلزالا جانە باسقا دا ەرەكشە جەكە جاعداي بولعان كەزدە تەلەفون ارقىلى سويلەسۋگە قۇقىعىن بەلگىلەيدى.

كونستيتۋتسياعا سايكەستىگىن تەكسەرۋدىڭ بارىسى مەن قورىتىندىسى تۋرالى اقپارات كونستيتۋتسيالىق سوتتىڭ رەسمي سايتىندا جاريالانادى.

اۆتور
جانات قاپالبايەۆا