جالعان كووپەراتيۆ قۇرىپ، 1,2 ميلليارد تەڭگە سۋبسيديا العان: الماس سادىرباي ۇستالدى
استانا. KAZINFORM - قارجىلىق مونيتورينگ اگەنتتىگىنىڭ الماتى وبلىسى بويىنشا دەپارتامەنتى وبلىستىق پروكۋراتۋرامەن بىرلەسىپ، «شاڭىراق» قوعامدىق بىرلەستىگىنىڭ باسشىسى ا. سادىربايدىڭ اسا ءىرى مولشەردە اقشا جىمقىرۋمەن بايلانىستى الاياقتىق ارەكەتىن اشكەرەلەدى.
اگەنتتىڭ باسپاءسوز قىزمەتىنىڭ حابارلاۋىنشا، ا. سادىرباي باسقاراتىن ادامدار توبى بالقاش، ەڭبەكشىقازاق، كەگەن، رايىمبەك جانە ۇيعىر اۋداندارىندا جالعان اۋىل شارۋاشىلىعى كووپەراتيۆتەرىن قۇردى دەگەن كۇدىك كەلتىرىلىپ وتىر.
نەگىزگى ماقسات - ۇساق مالدىڭ انالىق باسىن ۇرىقتاندىرۋعا سۋبسيديالاردى زاڭسىز الۋ جانە جەمشوپ شىعىندارىن وتەۋ. بۇل ءۇشىن زاڭناماعا قايشى اۋىلشارۋاشىلىق جەرلەرى جوق شارۋا قوجالىقتارى تارتىلدى.
بۇدان ءارى جالعان كاداسترلىق نومىرلەردى كورسەتە وتىرىپ، دايەكسىز مالىمەتتەردى قامتيتىن سۋبسيديالار الۋعا وتىنىمدەر قاشىقتان بەرىلدى.
بۇل رەتتە اۋىل شارۋاشىلىعى كووپەراتيۆتەرى باسشىلارىن حاباردار ەتپەي، ولاردىڭ ە س ق-سى پايدالانىلدى.
«وسىلايشا 1,2 ميلليارد تەڭگەدەن استام قاراجات ۇرلانعان. ا. سادىرباي ۇستالدى. ونىڭ سىبايلاسى تەرگەۋ سوتىنىڭ سانكتسياسىمەن ءۇي قاماۋىندا. ق پ ك- ءنىڭ 201-بابىنا سايكەس وزگە دە مالىمەتتەر جاريا ەتىلۋگە جاتپايدى»، - دەلىنگەن حابارلامادا.
ايتا كەتەيىك، ق م ا مەملەكەت باسشىسىنىڭ جولداۋىندا بەلگىلەنگەن سۋبسيديالاردى الۋ كەزىندە دەرەكتەردى بۇرمالاۋ فاكتىلەرىنىڭ جولىن كەسۋ بويىنشا جۇيەلى جۇمىستى جالعاستىرۋدا.