«جاعداي باقىلاۋدا»: الماتى ت ج د جەر سىلكىنىسىنە قاتىستى مالىمدەمە جاسادى

ت ج د مالىمەتىنشە، جاعداي باقىلاۋدا.

- قۇرمەتتى الماتى قالاسىنىڭ تۇرعىندارى مەن قوناقتارى! جەر سىلكىنىسى سەزىلدى. سەيسمولوگيا ماماندارى جەر سىلكىنىسىنىڭ وشاعى مەن قارقىندىلىعىن انىقتاپ جاتىر. ءتيىستى مەملەكەتتىك ورگاندارعا حابار بەرىلدى. اقپارات تولىقتىرىلادى. سابىر ساقتاپ، ۇرەيگە بەرىلمەڭىزدەر! تەك رەسمي اقپارات كوزدەرىنە عانا سەنىڭىزدەر، - دەدى الماتى ت ج د جوسپارلاۋ جانە جەدەل باسقارۋ ورتالىعىنىڭ جەدەل كەزەكشى ءبولىم باستىعى باتپاسوۆ ەرگەن.

ت ج م «ۇلتتىق سەيسمولوگيالىق باقىلاۋ جانە زەرتتەۋ عىلىمي ورتالىعى» ج ش س مالىمەتىنشە، جەر سىلكىنىسى 28-قىركۇيەك ساعات 09:38:07 دە تىركەلگەن. ەپيتسەنترى الماتى قالاسىنان وڭتۇستىك-باتىسقا قاراي 8 شاقىرىم جەردە ورنالاسقان.

جەر سىلكىنىسىنىڭ قارقىنى:

* الماتىدا — 3- 4 بالل؛

* قاسكەلەڭدە — 2- 3 بالل؛

* بورالدايدا — 2- 3 بالل؛

* وتەگەن باتىردا — 2 بالل.

ەسكە سالساق، الماتىدا جەر سىلكىنىسىنىڭ كۇشى 4 بالعا جۋىقتاعانى حابارلاندى.