جاڭبىر، قار، كوكتايعاق - قازگيدرومەتتىڭ 2-قاراشاعا جاسالعان كۇن رايى بولجامى
08:40, 02 - قاراشا 2023
قازگيدرومەت قازاقستان ايماقتارىندا 2023 -جىلعى 2-قاراشادا بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى، دەپ حابارلايدى Kazinform.
رەسپۋبليكا اۋماعىنىڭ باسىم بولىگىندە اتلانتيكالىق سيكلوننىڭ جانە ونىمەن بايلانىستى اتموسفەرالىق فرونتتاردىڭ ىقپالىمەن اۋا رايىنىڭ تۇراقسىز سيپاتى ساقتالادى، جاۋىن-شاشىن (جاڭبىر، قار)، كوكتايعاق كۇتىلەدى.
ەلدىڭ باتىسىندا، سولتۇستىك-باتىسىندا، وڭتۇستىگىندە انتيسيكلون جوتاسىنىڭ اسەرىنەن جاۋىن-شاشىنسىز اۋا رايى كۇتىلەدى. قازاقستان بويىنشا تۇمان، جەلدىڭ كۇشەيۋى، ەلدىڭ وڭتۇستىك- باتىسىندا شاڭدى داۋىل بولادى دەپ بولجانۋدا.